注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2010.luk 月 sei 号  

2010-06-04 20:47:13|  分类: 噢哒唎哑 |  标签: |举报 |字号 订阅

  下载LOFTER 我的照片书  |

由于今日特别日子,

为避免被和谐,

所以只能用谐音.

 

琴日朝早一入班门口,

就见到老师着住件紫色polo,

墙上面仲挂住件蓝色运动外套...

因为佢中午就要走,

所以今日着得咁随便...

学校要求所有男老师都打呔着西装噶嘛...

 

今日好多同学都冇翻,

估计佢哋可能直接缺席去Town Hall喇.

我哋就谂住交埋随堂作业先去.

去做咩啊?

我谂电视, 报纸应该有讲啩...

留学生"油衡是威"啊,

喺宗国八辈子都冇可能做到嘅嘢.

其实好几个星期之前已经开始倡导兼动议噶喇,

主要针对最新嘅移民政策.

 

时间好快就到10点半,

其他班已经有人出发.

我哋拿拿声做完作业,

课到唔上就光明正大咁逃课走人.

老师今个学期最后一堂课竟然少人上,

仲要有几个中途走人....

对唔住啊老师.

希望你廿几个钟嘅旅程会舒舒服服.

 

我哋大概11点先去到Town Hall,

一出火车站就见到市政厅广场摆晒标语,

仲要好多个警察叔叔添...

不过留学生人数大概得百几个左右,

比之前网上话万人大油衡差好远.

早我哋去到嘅同学俾咗几份写咗标语嘅纸皮,

企咗一分钟, 啲人就开始行喇...

我哋企喺队伍嘅最后面.....

行咗几步, 同学叫我望后面...

我一睇...哗....几只马跟住我哋....

一路行, 旁边都有好多警察护航,

仲有好多警车封路.

事关今次油衡已经向有关部门申请咗,

所以係合法嘅, 警察叔叔当然会护航喇...

佢哋真係多得我哋唔小.

 

我哋由市政厅出发,

一路行去唐人街, 再行去前面嘅移民局.

平时行街嘅话, 哩段路程大概行半个钟,

但我哋琴日就行咗十几分钟.

我哋一路行一路叫口号,

不过由于印度朋友口音太过浓厚,

我哋听唔明, 所以冇乜点叫..

途中周围嘅路人车辆都停底晒望住我哋,

行行下我仲发现我隔离,

多咗两个拎住咖啡, 凑热闹嘅本地情侣....

 

今次由印度学生领袖发起嘅油衡,

人数虽然少, 不过好多国家都参与,

中国啦, 韩国啦, 尼泊尔啦, 仲有几个金头发嘅.

 

去到移民局前面嘅空地,

啲人围埋一堆,

一个一个咁对住所有人表达意见,

讲讲下, 突然有个鬼仔..

佢係澳洲本地人, 佢话好支持我哋,

因为我哋学生读书嘅钱係佢哋嘅两倍,

医疗保险佢哋唔使钱, 我哋就三百几蚊一年.

话觉得我哋应该要得到应有嘅待遇.

啲警察叔叔呢, 就一排过咁守住移民局门口,

慌死我哋冲入去咁....

虽然我只係凑个人数, 凑个热闹,

不过见到移民局入面啲人睇热闹咁款,

唔好话, 都几嬲.

 

由出发都我哋走人,

全程都时不时落雨...

差唔多12点半嗰阵,

我哋几个因为闷得滞就走先...

八辈子都冇可能参加到嘅是威油衡,

虽然冇乜用, 亦都只属凑热闹,

但起码都叫参加过啦..

网上面好少相, 我自己都冇影,

睇相请点击: http://immigration.tigtag.com/australia/news/69394.shtml

p.s. 佢上面嘅文字好错...咩叫中国人得三五个啊,

我哋班都已经占咗十个啦...

视频请点击: http://immigration.tigtag.com/australia/news/69411.shtml

http://www.tudou.com/programs/view/Us0_6dZzwi8/

哩段视频有中文翻译,

入面有个发表演说嘅鬼仔, 着蓝色衫嘅, 係支持留学生嘅本地人.

而且....

入面开头访问嘅第二, 三, 四个留学生....

係我同班同学!!!

  评论这张
 
阅读(26)| 评论(11)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017