注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2010.4.6  

2010-04-06 20:32:41|  分类: 噢哒唎哑 |  标签: |举报 |字号 订阅

  下载LOFTER 我的照片书  |

今日开学喇..

一早就讲咗八点上课噶嘛,

今朝好惊赶唔切火车, 于是行得好快..

去到....仲有好多时间.....

 

翻到学校, 一入课室...哗.....

冇人. 得老师一个. 阿伯.

嗰阵都已经差唔多八点啦.

我放低书包, 去咗转厕所,

翻到嚟仲係冇人.

就得我同老师两个.

虽然, 我一向算係最早两三个嘅其中一个,

一路等人嚟嘅途中,

我见到以前个傻佬老师啊,

佢竟然喺我哋隔离上课.

佢话我哋哩个老师仲好过佢喎..

但係我唔信佢囖.

 

等咗5分钟左右啦,

老师开始关门, 睇佢个势好似准备同我自我介绍咁...

吓得我...

大佬...得我一个咋喎....

佢话: 我谂你应该係中国人?

我话係.

係完之后终于有一个同学到喇....唔使得我哋两个.

之后我哋三个又再等. 等咗阵, 嚟咗四个.

之后老师都唔耐烦喇, 话等多十分钟就唔等.

十分钟之后老师开始自我介绍,

啲人都陆陆续续咁嚟.

老师话你几点到签名就签几点,

竟然有某位原本其它班合并到我哋班嘅中国人,

唔知丑咁签八点. 佢哋嗰班人都八点几九点先到

八点到嘅得我一个咋. 影衰晒中国人.

 

老师係罗马尼亚人.

佢问我哋知唔知罗马尼亚喺边.

冇人知....听就听得多....

原来.....就喺意大利附近.....真係唔知喎...

佢话佢今年25岁, 外加380个月. 佢自己写嘎, 仲叫我哋计添.

结过两次婚, 自己本身有个30岁嘅仔,

而家个老婆又有个仔, 今年24岁.

边有老师自我介绍会讲哩啲嘎?

之后仲咩, 讲佢阿爸同阿妈係点识...

讲佢阿爷又唔知咩...听唔明, 啲口音仲难听过印度老师.

又话佢喺新西兰做工人做咗十七年,

后尾嚟澳洲做酒店业做咗八九年,

而家读紧管理学硕士...

之后...

佢不停地自我介绍, 介绍咗两个钟.

跟住佢话, 以后每日,

八点准时上课, 上到十点,

休息十五分钟, 然后又上课,

十二点半食中午饭, 一点再上课, 上到两点半....

死咯...................................

..........................................

..........................................

 

以前十一点就食中午饭...

家下十二点半先有得食, 仲要得半个钟...

未到十一点我个肚已经开始叫,

叫到十二点已经饿到唔饿喇.

一日上七个半钟,

你先俾我哋休息四十五分钟?

你唔係啊嘛?!

你自己讲耶稣都讲咗两个钟啦.

有冇搞错.

佢话因为课程紧凑, 所以冇办法...

咁人哋隔离班同我哋上一样嘅课程,

点解佢哋上午就已经休息咗三次啊?

痴线....

我一早都话唔信傻佬老师讲嘅嘢啦....

 

十点难得嘅一次休息之后,

佢又开始讲无谓嘢, 个个学期第一日都要听...

又话要保持校园清洁, 又话翻学放学注意安全.

小学生咩. 个个学期都听一次.

 

终于捱到十二点半喇.....

拿拿声上去食饭.

学校啲电梯慢到死,

总共就得三层楼, 但都要等成五分钟先有.

我哋又衰, 喺一楼上课,

又只可以喺三楼食饭.

禽禽青食完, 已经十二点三,

斟杯水, 去个厕所,

咁就够钟...个胃都未落格, 个人就要落翻去上课....

唉.......

今个学期要考十一次试啊..............................

十个星期, 考十一次啊.......................................

冇阴公.........

已经够惨噶啦,

仲要对住个咁嘅老师....

即时唔想翻学喇.

唉..............

  评论这张
 
阅读(31)| 评论(3)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017