注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.10.7  

2009-10-07 17:57:49|  分类: 噢哒唎哑 |  标签: |举报 |字号 订阅

  下载LOFTER 我的照片书  |

琴晚话就话九点瞓, 我的确九点就关电脑

但係听闻第二日会落雨,

哩边嘅天气, 朝早有几冻, 中午就有几热,

所以琴晚搵衫着, 执书包,

搞下搞下, 望下个钟都已经就快九点九...

瞓落床都快十点喇.

同样地, 点半就醒咗, 跟住又瞓下醒下..

不过朝早五点半起身嗰阵觉得好咗好多..

重点要讲嘅, 係下面嘅内容.

 

今日可谓过得多姿多彩喇...

首先, 临近九点嗰阵, 学校警报突然响起,

之前都响过两次, 不过係例行检查嘅.

今次响咗之后, 老师拿拿声弹起身出去望下,

嗰阵个个都抄紧笔记,

老师出咗去一阵就翻嚟, 仲叫我哋走添..

(上两个星期份功课先讲完火灾要点做..)

我哋个个都以为边度着火啦

我哋喺二楼上课, 出到去走廊, 全部都係人,

企咗十分钟, 都仲未落得楼梯.

由于走得太急, 我笔啊, 笔记薄啊, 水啊, 眼镜啊

全部都拎住晒, 甚为狼狈

后来某位生到成个巫婆一样嘅老师赶我哋翻入班,

入到去, 见到有同学继续抄笔记,

我就拎翻塞咗入书包嘅笔记薄同笔出嚟

啱攞出嚟, 老师又叫我哋走喇...又狼狈地走佬..

原来头先係先疏散楼上嘅人, 再一层一层疏散

哩啲係常识囖, 我既然知道喎..仲解释俾同学听添..

出到去楼梯口, 就见到有啲老师带住顶红色或者白色嘅工地帽..

我好好奇...万一真係火灾, 你点攞得切顶帽呢?

去到出口, 竟然係以前嗰个死人头老师顶住度门俾我哋出去...

出面仲企住第一学期嗰个David老师..

然后我哋就行去学校指定嘅...灾难...避难所...之类嘅公园,

行咗起码五分钟先到.

企咗阵, 又话冇事可以翻去..

虚惊一场. 由嗰啲老师嘅帽为线索, 我估计係演习囖, 不过实情就唔知.

翻到去, 老师话, 戴帽嗰啲老师係负责什么安全嘅督导员之类嘅

翻到去到已经九点九喇..

讲解咗轮功课之后(谂起哩两个字就头痛)

又拿拿声落楼搭巴士,

向我哋今日户外教学嘅地方出发.

廿几人一齐搭, 本来好空嘅, 突然企到满晒. 司机收钱收到傻.

落车之后....我哋去到一个....十分空旷嘅地方.

边有铺头啊?屋都唔多间...听讲係什么球嘅球场...

跟住老师兜咗好多个湾,

突然!!!!

哗..................................................

好多小朋友啊....成个小型游乐场咁

个个都吓得哗一声...

好多公仔啊(我讲外国小朋友)

我仲见到有几个妈妈一齐喂奶...

老师话, 我哋就喺度开始,

去问人哋铺头几点准备开门,

啲货点运过嚟, 摆边度...等等....

基本上个个人都係度兜圈..

嗰个集市好细, 但係都几旺,

卖嘢嘅, 好多都係本地人, 买嘢嘅, 全部都係本地人.

而且...好多妈妈...好少爸爸...

后来唔理三七廿一, 厚住面皮就去搵铺头问...

开头见到档买水果嘅, 个女仔睇上去几好人,

于是....就你啦!

我讲咗话我係学生, 要做份功课, 问一下关于存货嘅问题.

嗰个女仔话, 好啊, 不过我唔知噶喎...你问下嗰个啦(可能係老细)

个心即时寒咗寒...男人喎...鬼佬喎....老细喎....会唔会俾面色嘎...

个老细望咗下我, 叫我行去佢嗰边问.

人哋好忙啊, 一边切橙一边听我讲埋晒啲唔似英文嘅英文

仲因为听唔明我讲(定唔知听唔到我讲), 搞到啲客人催佢啲橙汁..

搞到我仲更加唔好意思...

后来我问个老细可唔可以抄低佢卖嘅货物嘅名, 同埋价钱,

佢话随便啦

我就又走翻过去,

嗰个女仔真係好好人, 其实...上面有牌, 我可以自己睇

佢就一个一个介绍俾我听, 仲问我攞唔攞到想要嘅资料..

后来....买咗杯鲜榨嘅橙汁, 讲句多谢, 走人.

基本上...我哋个个问人嘢都要帮衬翻人...好在我拣水果档啫

买橙汁嗰阵忽然醒起唔记得问人哋间铺个名,

个女仔都唔识拼, 叫个老细拼俾我听..好似叫...Meliora

个女仔话你可以喺后面加个"Farm" 嘎~

个女仔真係好...

12点几, 集合完毕, 又一堆人搭车翻学校.

落咗车, 签咗到, 1点都未到, 就放学喇.

不过我哋又翻翻学校, 先醒起今日学校派三文治喎...(自助)

因为中午冇食嘢, 又因为要食药, 所以攞咗份.

唔知係咪嗰阵晒咗晒, 又吹咗吹风, 又晒一晒, 又吹风..

搞到而家.....对耳又开始聋聋哋...

三点几又开始眼瞓...

明明百服灵唔眼瞓嘎...

做咩我....z z z z z Z Z Z Z Z Z Z Z Z

  评论这张
 
阅读(21)| 评论(1)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017