注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.9.20  

2009-09-20 13:01:47|  分类: 噢哒唎哑 |  标签: |举报 |字号 订阅

  下载LOFTER 我的照片书  |

继续琴晚未完嘅话题.

话说早前讲好咗,

四点半就打电话俾啲之前一齐住嗰几个人,

然后就就一齐去食韩国烧烤.

本来谂住睇下除咗嗰间嘢之外,

仲有边间好食啲嘅, 毕竟喺殡仪馆隔离

但佢哋话冇..

佢哋话, 鬼佬乜乜馆都唔同中国嗰啲

谂谂下, 又係喎....咁就照旧啦.

五点, 首先等个女仔, 佢送咗件性感睡衣过我...

咁客气啊....

之后就一齐去嗰几个男仔屋企.

佢哋就住喺乜乜馆附近,

唔讲, 真係睇唔出嗰度係乜乜馆..

坐咗阵, 6点左右就去食饭啦.

如果唔係去佢哋屋企, 其实係唔会经过乜乜馆嘅

嗰间店同乜乜馆其实有好大一段距离..起码五分钟路程.

入到去, 俾钱, 坐低, 开炉, 等食.

嗰间嘢真係好....大...

自助烧烤, 好多肉...

同韩剧一样, 一张枱, 中间有个炉仔,

好似打边炉咁.

我哋五个人, 开咗两个炉. (其实一张枱只可以坐四个人.)

食咗好多肉, 好爽.

食到后半段...突然响起生日歌!

嗱, 我绝对, 绝对冇谂过会係我,

只係好好奇咁望下啲音乐喺边度传出嚟,

同埋望下边个同我同一日生日.

当然, 真係唔係我.

而係隔离枱..

啲服务员仲捧住个插晒火焰蜡烛嘅蛋糕出嚟添.

(韩国店啲服务员清一色韩国男仔, 唔似某间日本书店, 鬼佬都有..)

隔离枱啲人饮酒欢呼..

车, 我今日够生日咯, 好巴闭咩.

食食下, 又响多次生日歌,

我谂, 又边个啊?

同一日生日嘅人好多, 我有个同学都係, 佢都住我哩区.

但係...都冇理由三个都喺同一个地方庆祝嘎...有冇咁桥啊.

我哋由六点食到九点几...又係饱到唔喐得.

其实坐住嘅话仲可以食嘎, 但一企起身就好辛苦..

食完之后就谂住走啦, 啲男仔话不如先去佢哋屋企,

攞啲嘢之后再送我哋翻去.

我竟然毫不犹豫地"哦, 好啊."

使乜同佢客气啊, 我生日喎, 我请食饭喎.

去到之后坐咗阵,

突然,

其中一个竟然喺个雪柜拎咗盒蛋糕出嚟....

难怪话去佢哋屋企先啦..

不过佢哋话因为听日仲有人生日, 所以净係俾我睇下,

又话切好喇, 唔好食.

车.

又当然, 佢哋讲笑啫.

难怪食食下饭其中两个突然走咗出去啦,

原来係去攞蛋糕.

一打开个盒.

啋....係只狗嚟嘅

2009.9.20 - H·S·L - hola,gday,aloha

讲真, 第一眼, 第二眼, 第三眼睇上去, 我係得一个谂法, 好核突啊...

2009.9.20 - H·S·L - hola,gday,aloha

(条脷係士多啤梨.)

不过又唔舍得切喎...

切落去嗰下, 真係觉得切紧只真狗...

可能学过蛋糕, 整过装饰,

所以嗰一条条嘢, 睇落去都"邓"整蛋糕嗰个人辛苦.

味道可以啦, 全部都朱古力..

啱食饱饭, 边有胃口...係咁二食咗两件就拎走咗. (饱到咁仲可以食两件?)

夜晚翻到去都十点几, 冲完凉都11点喇...

 

以下係喺嗰间纪乜乜书店买俾自己嘅礼物嘅

2009.9.20 - H·S·L - hola,gday,aloha

音乐盒. 以前喺电视度见过都想要, 估唔到嗰间书店竟然有得卖.

一个係生日歌, 一个係唔知咩歌,

个名叫 Waltzing Matilda, 不过好好好好听. (我指音乐盒听上去好好听.)

上网一查先知, 原来嗰只歌係澳大利亚非正式国歌...哦...

2009.9.20 - H·S·L - hola,gday,aloha

锁匙扣. 噤嗰粒制, 係会闪灯嘅.

一年一次嘅生日, 咁就过咗....

  评论这张
 
阅读(12)| 评论(9)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017