注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.8.18  

2009-08-18 13:24:16|  分类: 噢哒唎哑 |  标签: |举报 |字号 订阅

  下载LOFTER 我的照片书  |

翻学前一晚瞓会凌晨2, 3点醒咗以为够钟起身已经习以为常

但估唔到...

因为老师话星期一要7点去到课室,

所以我星期日夜晚10点就瞓,

可能因为星期六同平时一样凌晨3点3就醒咗,

又上咗成日课, 所以好快就瞓着.

瞓下瞓下, 觉得瞓咗好耐, 无啦啦醒咗

以为应该差唔多够钟啦, 拿拿临开手机一睇

死啊, 先一点二十三分.

于是就好放心咁继续瞓翻.

然后又醒咗..睇下个钟, 两点五十三...

瞓翻又醒咗, 又睇下个钟...三点几...

好快又再瞓着...点知又醒咗...又睇下时间...

四点七到四点八之间...

由于闹钟係五点, 所以我半睡半醒咁等闹钟响..

唉...有冇搞错啊...

一个钟醒一次....痴线....

同学话可能我惊迟到, 所以压力大...

咁又係啊, 次次都觉得会唔会差唔多时候起身,

或者会唔会係闹钟响咗我唔知醒...所以好紧张

不过都唔使一个钟醒一次嘎..

闹钟都嫌我烦啦, 次次都要较定个闹钟, 但次次都唔俾人响

虽然如此,

星期一起身之后我好精神.

 

7点半, 老师话因为另一个班未齐人, 所以9点先出发去远足.

开头以为我哋去人哋铺头睇下人哋点管理啦..

原来唔係, 係每人发份表, 要我哋去搵人哋10个做得唔好, 5个做得好嘅地方..

第一站, 我哋就去唐人街附近嘅食街

(商场入面有一层全部都係一档档卖饭, 你俾钱然后等嗌号嗰啲地方呢, 英文叫food court)

9点钟好多铺头都未开门,

我哋就成班异型咁拎住份嘢, 喺人哋铺头前装下装下咁...

集合嗰阵人哋见到一大班中国人, 然后有两个鬼佬同我哋讲几点翻嚟

周围啲人都望下望下咁...肉肉酸酸..

后来肚饿我哋拿拿声叫咗碗面, 一路食一路写.

10点半, 我哋出发, 去一个比较高级嘅food court

一入到去...哗....简直天同地比.

高级地方果然高级, 啲员工个个着晒统一制服,

啲枱枱凳凳又干净..

唐人街嗰度优点写唔出, 哩度缺点写唔出.

可惜啊, 高级地方价钱都高级过人.

超市卖几毫纸一斤嘅香蕉, 嗰度竟然卖七个几..

嗰度入面全部都係外国人....个个都着得好高贵幽雅(嗰度多写字楼)

全部都係去叹嘢食, 我哋又一大班牛仔裤中国人坐喺度写嘢

周围啲鬼佬行过又望下我哋...

12点半, 写完嘢, 交埋上去, 咁就放学.

可能因为之前食嗰碗面唔干净嘅缘故,

我搅肚痛, 去完厕所竟然胃痛..同我一齐食嗰个同学都屙咗四次...

我个胃痛咗成晚...

因为夜晚瞓得唔好嘅缘故,

下午一放学我就眼瞓到不得了...

本来平时因为惊夜晚瞓唔着, 所以一直都唔敢瞓晏觉,

都因为顶唔顺, 一翻到去就即刻瞓咗阵,

不过好似冇瞓度咁..

瞓醒之后周身骨痛,

到咗夜晚, 本来谂住早啲冲凉瞓觉,

点知因为旧楼嘅缘故, 热水用完就会冇,

我想冲嗰阵又有人冲紧, 唯有等咗成个钟,

9点几有热水先冲, 吹完头都讲十一点.

嗰阵已经眼瞓到想死...

冲凉嗰阵都觉得可以即刻瞓着..

吹完头, 虽然胃痛, 但一哒落床就瞓着咗..

瞓得好爽...

  评论这张
 
阅读(19)| 评论(6)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017