注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.7.6  

2009-07-06 20:15:40|  分类: 噢哒唎哑 |  标签: |举报 |字号 订阅

  下载LOFTER 我的照片书  |

今日搭火车翻去嗰阵,

一坐好, 抬高头,

望到好多鬼佬抬高头, 举起张报纸睇,

动作好齐整, 好统一, 好壮观.

如果下午3, 4 点搭车, 就好容易见到哩个奇景.

事关嗰阵会有专人免费派发火车站发行嘅每日一报.

后来我低头闭目养神.

临到站嗰阵我又抬高头,

发觉啲报纸收埋晒, 个个低晒头咁睇随身携带嘅小说.

哩度啲人真係好钟意睇书.

讲起书, 今日真係...

唉.....

 

我哋个个都好清楚记得,

上个星期一, 老师明明话可以7点半先到.

所以我哋个个都7点以后先到.

点知今日佢话唔可以.

上课嗰阵佢问问题,

结果冇人答佢.

佢问明唔明佢问乜,

有个同学斗气咁讲话no.

老师听到之后问边个话no,

佢又唔出声, 问极都冇人应.

够胆做又唔够胆认.

搞到佢好嬲, 然后继续讲课.

讲讲下佢突然检查我哋啲书.

拿, 澳大利亚呢, 复印书係犯法嘅,

我宁愿用多啲钱买二手嘅, 都唔会复印.

唯一一次复印, 係因为书店卖晒, 二手又冇,

我又只係缺一本书, 所以先复, 而且係用自己部打印机复.

但好多人为咗悭嗰鸡碎咁多钱,

二手书已经平一半噶啦, 係都要去复印.

上个学期总共60几蚊书, 我买二手32.5,

复印就15蚊三本. 但俾人查到就要罚二千五.

就好似搭车买票咁, 单程票都要几蚊鸡,

係贵, 但係俾人捉到就罚200. 咁就变咗唔值.

虽然好多老师都唔会理,

傻佬老师仲话, 佢知道啲书贵,

所以最好全班夹钱买一本正版, 然后个个攞去复印...

但係我一直都谂, 点解冇老师唔俾呢?

咁佢哋复印嗰啲就可以知道贪小便宜嘅代价有几大.

其实复印书犯法个个都知.

所以要俾啲颜色佢哋睇.

话我黑心我都咁讲噶喇.

话我心理唔平衡都係咁.

有乜理由佢哋做紧犯法嘢仲可以理直气壮, 仲可以觉得比你醒目识走位

仲可以笑住同你讲你买书咁贵啊, 我复印先十几蚊咋..咁呢?

但其实我哩个谂法每个学期只会出现一次.

点知....今日竟然出现咗真实版....

老师检查我哋啲书,

发现佢哋嗰啲係复印. (好心复印就印埋个封面啦, 黑白唔係色盲都知你假.)

有两个同学口快快讲咗话係复印,

于是老师就叫佢哋走, 唔俾佢哋上课.

其余嗰啲呢, 就呃老师话係二手书.

老师又信咁先奇喎.

于是就继续上课.

然后唔知发生咩事, 佢同我哋讲,

话上面可能会有人嚟检查.

啲同学就开始惊喇, 就话想而家走人(去复印个封面)

咁都可以唔识死...复印个封面....窥佢哋讲得出...(当然用中文讲啦.)

老师就唔俾,

话佢哋应该一早就讲自己係复印嘅,

而家佢信我哋, 但我哋就呃佢.

之前话"no"嗰个同学竟然话嗰本係二手书, 唔知係复印.

老师嬲得滞, 上去叫人落嚟检查.

然后就嚟咗个澳洲三宝之一嘅肥婆,

收晒佢哋啲书, 老师就叫佢哋走.

结果, 得翻5个人上课...

 

不过, 我嗰本虽然望落去好似正版咁,

但我都係今日先知..原来我花100蚊买嘅所谓二手书, (正版要成200蚊.)

係复印嘎!!!!!!!!!!!!

连帮我买嗰个都唔知.

佢总共买咗三套, 得一套係正版.

岂有此理...

复印一本, 连装订, 连封面, 都係廿几蚊,

佢竟然收我一百.....

好在佢醒目, 造假都造得真过人, 连个面啊, 个底啊, 都做到一模一样

所以呃晒所有人.

真係激鬼死我.

换言之, 全班, 得一个同学係用正版.

我同另外一个係被逼用翻版.

我唔理....套书我点都要100卖翻出去...

 

放学之后, 个个同学都去复印书,

一路行一路讲个老师点衰点衰

夜晚翻到去都仲喺个QQ度讲.

讲真, 哩个老师又真係认真过头,

你唔讲我唔讲, 出面根本唔会有人知,

佢亦都唔会俾人罚, 咁对大家都好.

但换个正常啲嘅角度睇,

的确係我哋唔啱(我係喺不知情嘅情况下犯咗法.)

明知唔可以都仲要去做,

做咗俾人发现就话人哋唔啱,

其实如果你肯用多少少钱,

咪唔会咁囖...

个个都话去投诉个老师, 话要换班, 换老师.

用咩理由去投诉啊?

"我做咗啲法律唔允许做嘅嘢, 老师知道咗揭发我, 我唔开心, 唔钟意佢, 所以我要投诉."

唔通咁讲啊?

做错咗, 唔知错, 仲要话人错,

又难怪我会心理唔平衡.

又难怪广东人会歧视捞头.

  评论这张
 
阅读(17)| 评论(4)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017