注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.7.18  

2009-07-18 18:12:46|  分类: 噢哒唎哑 |  标签: |举报 |字号 订阅

  下载LOFTER 我的照片书  |

因为我醒目一早就登记咗铁道局嘅最新消息嘅email通知,

一个星期一封, 话你知你常坐嘅线路嘅最新情况.

所以上个星期就已经知道今个星期我哩区铁路检修

又要坐巴士....

今朝坐车嗰阵, 一路睇住出面嘅风景.

忽然发觉某个小区(唔係住嗰啲小区, 而係嗰个某个细小嘅区.)

竟然有个几大嘅湖(河/江), 上面竟然停咗十几只游艇.

因为嗰个区唔係大区, 好多时只有慢车先会经过嗰个站,

估唔到...原来咁富有.

再坐坐下车,

又终于俾我发现原来悉尼有婚纱卖嘅,

因为哩度个大商场都未见过有, 一年前我好好奇啲人结婚嘅婚纱係去边度买,

今日终于见到.

再坐坐下,

又俾我发现到一间轮胎厂兼门市部,

外墙竟然用几廿个轮胎中间嗰嚿金属钢圈做装饰,

啲圈圈仲转下转下咁, 几过瘾.

去到巴士埋站嘅地方, 一排十几部巴士, 何其壮观.

嗰度平时係人行道, 一有铁道检修就变成临时巴士总站,

因为贪嗰度近中央火车站, 兼且出面条路唔係主干道.

(好似好有气派咁 -  "中央火车站", 不过英译中的确係哩个喎.)

 

 

本来今日应该係开卷考试,

但因为老师个阿头未翻, 办公室未开,

所以啲试卷打印唔到,

结果我哋成朝就得个坐, 老师又唔讲课,

仲叫我哋做星期一另一个老师嘅功课..

11点未够就食中午饭, 食完倾阵计(因为我功课早两日就做完.)

终于考得试, 考完又倾阵计, 咁就放学.

虽然係开卷, 但係好难, 都未教过嘅

下星期闭卷点算.....

仲有, 食完饭我哋走上去三楼睇下见唔见到傻佬老师.

佢话: "你哋而家先知我好咧!?"

 

讲起老师, 我哋学校基本上俾第二学期嗰个死人头教过嘅,

都话佢好人, 又靓仔, 煮嘢又好食,

但好多人都话傻佬老师係变态佬, 好乞人憎.

个个班都咁话....但点解....

我哋班反而同人哋掉转呢?

全校公认嘅好老师竟然对我哋衰,

全校公认嘅变态老师竟然对我哋鬼死咁好.

究竟係老师有问题, 定係我哋班有问题?

仲有, 公认最好同公认最衰嗰两个, 竟然係好朋友....

 

放学谂住去Apple店睇下啦, (电脑嗰个Apple, 唔係牛仔裤嗰个.)

上次都係无意中经过, 凭影像去搵.

结果搵咗一个钟.....

Apple就搵唔到喇,

竟然发现一直都好好奇嘅名店.......

什么 LV 啊, GUCCI 啊, Chanel 啊, Burberry 啊.....

本来都对哩啲冇乜兴趣, 更加冇乜期望,

经过LV (因为其它店要过马路) 望下入面,

终于觉得自己唔好哩味嘢係正确嘅.

入面人头涌涌, 全部都係亚洲人(估计中国人占多数), 连卖嘢嗰啲都係.

好哋哋一个世界名牌, 就咁就变咗普通街货, 出面人手一只袋.

咁又钱买名牌袋, 去买人哋啲晚礼服啊, 笨.

完.

明日继续摇巴士.

  评论这张
 
阅读(20)| 评论(10)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017