注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.5.24  

2009-05-24 18:40:28|  分类: BiLibAlA |  标签: |举报 |字号 订阅

  下载LOFTER 我的照片书  |

话说琴日老师讲咗今日会整pizza 俾我哋食..

仲要其他同学每人夹 $1.5, 然后俾翻我哋..

我唔记得我嗰两大罐吞拿鱼买咗几钱,

净係记得大概 $1.89 一罐,

于是求其讲话总共买咗三蚊. 其实应该係四蚊.

其实....区区几蚊...虽然係钱,

但每人夹翻个半然后再分摊俾我哋几个买嘢嘅

我哋都唔多想要...

但係....鬼佬就係鬼佬, 哩啲嘢要计得清清楚楚...

 

上课嗰阵, 我哋就整琴日学嘅面包, 佢就整pizza 块皮

整整下佢仲一路转住块皮一路唱意大利歌剧一路游街

然后块皮唔觉意穿咗个窿...

老师 "沈" 芝士途中:

2009.5.24 - H·S·L - hola,gday,aloha

 

pizza 准备出炉.

因为哩个厨房唔够专业, 所以无论焗蛋糕定烤面包,

都係用哩个焗炉. pizza 都唔例外.

2009.5.24 - H·S·L - hola,gday,aloha

 

制成品. 总共四大块,

一块芝士, 一块三文鱼, 两块吞拿鱼.

仲有一块去咗隔离枱.

2009.5.24 - H·S·L - hola,gday,aloha

 

放学之后....

楼下赛马场前所未见咁多人.

行过啲一睇, 有好多 mini cooper 啊...

我记得早两日有条新闻话今年係mini cooper 50定唔知几多周年,

美国就有成千上万架 mini cooper 上晒街, 好壮观.

我谂, 可能今日澳洲又搞....

去到车站等等下车, 有个同学拎住支汽水出现.

拿, 我哋上厨房嗰度呢, 方圆几廿百里都冇铺头嘅,

只有出门口冇几远有间酒吧..

所以嗰支汽水嘅出现,

吸引咗我哋所有人嘅目光.

再加上嗰阵好口渴呢又...

一问, 原来係 mini cooper 嗰度送嘅!

于是....我冲口而出咁讲咗句: 我哋又去咯!

跟住有两个上海女同学对眼发晒光咁望住我...去咯去咯咁...

其实仲有15分钟就有巴士, 但係我哋三个就唔理咁多,

一于翻转头..

目的只有一个: 攞汽水!!!

其实唔係为咗嗰一支汽水, 而係...去凑热闹啫...

去到之后...发现比想像中更多人...

上咗成半年厨房课, 第一次见赛马场有多过一个人..

其实我都唔知究竟係车展卖车啊, 定係 mini cooper 周年纪念.

嗰两个同学就话卖车喇, 仲话可以试架添...

我就话肯定唔係....

係嘅话, 啲工作人员就唔会同个司机讲: 个辘好正喎, 新装嘎?

我哋行过去派汽水嗰度嗰阵...

个女工作人员好客气咁一人醒两樽....

5分钟之后我哋翻转头再攞过.

其实我就唔好意思再攞噶喇...

个女工作人员见到我哋都讲咗句: 自便啦..咁...

最后...我两个同学再攞咗两支, 我攞咗一支(其实係个工作人员递俾我嘅..)

于是..我哋三个, 就拎住11支汽水,

"高高兴兴" 地走人.....(结果走咗三部车我哋先到..)

其余啲同学一早就放弃我哋上车走人...

冇瘾嘅....有机会咪癫一次囖...

2009.5.24 - H·S·L - hola,gday,aloha

2009.5.24 - H·S·L - hola,gday,aloha

2009.5.24 - H·S·L - hola,gday,aloha

 

啲相影得唔好,

因为个心唔在于啲车....而係下面嗰两支嘢.....

2009.5.24 - H·S·L - hola,gday,aloha

 

等巴士嗰阵饮咗支黄色嘅...

2009.5.24 - H·S·L - hola,gday,aloha

  评论这张
 
阅读(18)| 评论(4)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017