注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.4.6  

2009-04-06 17:45:50|  分类: 噢哒唎哑 |  标签: |举报 |字号 订阅

  下载LOFTER 我的照片书  |

琴日夏令时完咗, 忽然唔係好习惯..

上年转夏令时嗰阵, 除咗提醒咗自己几次快中国三个钟之外

感觉好自然, 冇咩特别感觉.

琴日就唔系喇..几乎隔几分钟就望一次个钟,

我习惯5点洗米煮饭, 5点之前我望咗好多次..

明明已经觉得够钟, 但係个钟永远都係指住4点...

硬係觉得好唔习惯...点解咁噶呢?

唔讲哩样.

今日开学喇....

放咗两个星期假, 又要朝朝5点起身...星期六日又要翻学...唉.....

一直都几担心究竟边个老师教...

千其唔好係Peter啊, 我哋学校叫亲Peter 嘅老师都好恶好变态...

今日一去到学校..平时7点几先开嘅门, 今日六点几就开咗.

一出楼梯, 我就睇下每个课室度门贴住嘅上课时间, 班房, 老师, 科目.

楼梯正对住嗰间就係我哋嘅.

我一睇个名. 哗!

正啊! 唔係传说中嘅Peter, 更加唔係上学期嘅嗰个死人头Daniel.

我哋个老师, 叫 Jason Collingbourn.

唔知係咩样噶呢? 睇个名, 应该几后生噶喎..

因为我搭早咗一班车, 结果6点半就到学校.

老师又未到, 于是我就睇下其它班嘅老师名, 顺便睇下自己识嘅老师教几点.

结果......第一学期嗰个老师阿David 又係星期一上午班啊!!!!!

实在太兴奋喇...连续两个好消息.

于是就一直等等等...等老师开门.

然后.....

一个矮我大半个头, 光头, 肥肥哋嘅中年男人出现.......

佢就係Jason!? 唔係啊fa......同我想像中差好远...

我想像中嘅, 係一个高大, 几健硕, 30几岁上下嘅有型男士....

结果竟然出现咗个阿叔...扯...

不过哩个老师都几活泼, 上课嗰阵仲成日讲笑,

总体上比上学期个死人头Daniel好好多...

嗰条友上课催眠咁...好似都唔想同你讲嘢咁.

名单上面个个同学个姓都係小写(首字母除外), 惟独我只只都大写,

佢走埋嚟问我, 点解你全部都大写嘎? 係咪因为你重要啲啊?

我都想知啊, 因为上个学期都已经係咁.

我哋上个学期, 明明係老师叫我哋放学, 但係就一定要我哋签早退,

哩个就唔係啊, 无论几点走都可以签正常时间...

阿J叔又係英国人..

(第一个学期嘅David, 第二学期嘅Daniel, 今个学期Jason, 连续三个老师都係英国....)

今年40...有个27定唔知28定唔知29嘅中国女朋友.

不过人哋Daniel就学到好多中文, 佢就.....连最基本我爱你都唔识.

佢女朋友呢, 北京人, 不过细个嗰阵就移民去咗印尼,

所以识讲普通话, 广东话, 印尼话, 同好掂嘅英文.

我哋哩个老师犀利咯....电脑技术, 0-100, 佢可能得25.

PowerPoint 入面嘅特效, 佢竟然觉得好神奇..."点解幅图会转嘅?点整嘎?"

下载嘢又唔识, 关闭窗口又唔识...

上上下课嗰阵, David 突然入咗嚟我哋班同老师打招呼~

实在太开心喇!!!!

9点半嗰阵休息, 我哋个个都企喺出面,

有同学见到Daivd入咗我哋班,

出嚟嗰阵.....我哋当然又好兴奋咁叫佢啦,

佢认得晒我哋啊, 我哋老师又出咗嚟,

David 突然指住我, 同我哋老师讲 "哩个啊."

J叔又话: "哦, 哩个."

我好谔然, 发生咩事啊?

David 就同我讲, 话佢同我哋老师讲有个学生上实践课好好, 好有条理...之类...

所以出到嚟见到我就发生咗 "哩个" 喇. 哈哈...

不过....其实我几唔好意思..

唔係因为当众俾人赞, 而係.....

第一个学期我啲工具基本上都冇乜点喐过, 有啲甚至连包装都未开.

用过嗰啲我都会洗得好干净然后套翻个包装.

当时David 检查工具嗰阵见到我啲嘢咁 "整齐", 所以就赞我话我有条理啫...

其实我根本就未用过.....所以其实我都几无奈...

不过估唔到佢咁都记得..哈哈...

我又谂起当年为咗唔想同印度人一组, 同佢讲咗句我爱你..哈哈..

讲起印度人. 我哋终于摆脱咗佢哋喇!!!

出奇地, 佢哋三个竟然都同我哋唔同班!!!

不过....我哋班.....全部都中国人....妖..

 

今日同学B只左眼红咗, 跟住又唔红, 然后又红红哋.

佢唔痛唔涩唔狠唔流眼水,

放学之后陪佢去诊所睇,

结果, 角膜炎.

 

Oh, David~

以后个个星期都可以见到佢...~

2009.4.6 - H·S·L - hola,gday,aloha

 

 

p.s. 复活节假期, 由星期五放到星期一.

咁啱我哋本身星期六日一要上课, 而家放假!!!!

好嘢!!!!!

不过, 休息咗两个星期, 然后上一日课, 跟住又休息成10日.....

然后...其它人期末放假嗰阵, 我哋又要上多一个星期课补翻....妖.....

  评论这张
 
阅读(13)| 评论(2)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017