注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.4.5  

2009-04-05 06:39:46|  分类: 噢哒唎哑 |  标签: |举报 |字号 订阅

  下载LOFTER 我的照片书  |

琴日星期六, 又係搵屋嘅好日子.

基于我而家住嗰度个厅未出租,

所以, 琴日总共有三, 四个人嚟睇.

琴晚9点几, 有个女嘅嚟睇.

个厅住啲咩人, 当然要关心啦, 个厅多咗个人喎..

于是, 我停咗睇紧嘅珠光宝气, 听下出面个女人,

係佢要租啊, 定係帮人搵.

结果唔听仲好, 一听就犀飞利.

听个女嘅口音, 应该係福建嗰边..

佢对高争鞋不停咁 "各" 来 "各" 去,

问埋晒啲无关紧要不特只, 仲要唔关佢事嘅私人问题.

而且唔係问房东喎, 係问其他房客..

佢问人哋平时几点瞓觉,

问个厅会唔会听到隔离房讲嘢,

问人哋平时会唔会带陌生人番嚟...

住个厅仔啫, 都睇成个钟咁滞.

你要安静咁做咩要住厅啫,

我翻学嗰几日日日都要5点起身, 我一定会嘈到你嘎..

厅嗰盏灯又唔开得(当厅间房嘅灯.), 我肯定会好似上次咁一撞就撞埋去.

为咗见下哩个人咩样,我专登出去拎包朱古力放雪柜..

见到佢, 唔错啊, 唔算靓, 但唔错啊..

真係人不可以貌相, 睇落去几好相处嘅人竟然咁鬼麻烦..

好唔容易等佢走咗, 我哋几个即刻冲出嚟讨论...

听浙江嗰个男仔讲...个女人一入嚟就问佢嘢...节录如下:

女: "你是什么学校?"

男: "卧龙岗大学"

女: "读什么啊?"

男: "我读 marster (硕士)."

女: "什么专业啊?"

男: "Engnieering."

女: "什么 Engnieering?"

男: " Mechanical Engineering."

女: "这是什么啊?"

男: "全称是机械工程!!!!!!!!!!!"

 

我准备出去冲凉嗰阵佢话想睇下我间房有几大(佢间间都睇过.)

又问我洗衣机用唔用得. 唔係俾唔俾用嗰种用唔用得,

而係部洗衣机有冇坏嗰种用唔用得..

房东都好唔耐烦咁讲咗句: "要不能用她早跟我说了."

 

后来佢问嗰个男仔有冇卷尺

个男仔问佢要嚟做咩.

佢话想睇下哩间房同佢而家住紧嗰间边间大.个男仔即刻讲咗句: "你目测不行吗?"

 

后来个男仔同我哋讲, 话个女人问个房东冬天可唔可以开暖气.

痴线, 开暖气一嚟浪费能量, 二嚟电费贵...佢肯定唔俾.

之后...个男仔话....嗰个女人原来係广东人....

妖....

大姐...喺广东都冇用开暖气哩样嘢, 哩边又唔落雪又唔冻...

佢之前仲问啊, 我哋煮饭嗰阵个警报器会唔会响.

唉........

 

本来租房问清楚啲係好, 了解下一齐住嘅係咩人係啱

都唔使咁烦嘎, 连人哋几点瞓都要管埋.

知道一齐住嗰啲人係做嘢定读书, 边度人咪得囖,

使唔使连人哋读咩专业都要问得一清二楚啊

洗衣机用唔用得, 警报器会唔会随便响,

哩啲无聊兼弱智嘅问题都问得出, 听人讲佢已经有居留权...

洗衣机唔用得咁摆喺度做咩啊?!

成间屋其实好细, 厅嗰间房仲细.

睇唔啱就即刻走, 睇得啱最多都係望多几眼, 行多几圈,

2分钟可以行匀成间屋, 佢可以睇足一个钟.

连细过厕所嘅阳台都可以睇足10分钟.

我哋房东职业係租房,

佢哋话...因为房东手上好多房都卖广告出租,

所以哩个女就打好多个电话去睇,

一打, 又係哩个女...所以....基本上间间都睇过.

如果佢搬入嚟, 肯定好多麻烦嘢, 又投诉哩样又投诉嗰样...

都係嗰句,

你要住得舒服, 住得安心, 住得安静, 就唔好瞓厅.

不过,

听讲佢係嗰种以租屋为生嘅人.

因为有居留权之后如果你失业, 可以领租房补助,

佢就係哩种人..

但佢着得身光颈靓....

 

哩个人真係......冇嘢好讲.

  评论这张
 
阅读(13)| 评论(4)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017