注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.4.12  

2009-04-12 11:25:58|  分类: 噢哒唎哑 |  标签: |举报 |字号 订阅

  下载LOFTER 我的照片书  |

琴日去咗玩...

因为系节日, 所以都会有专门嘅汽车车你去会场,

基本上个个区都会经过, 咁啱我住嗰区就有.

火车站售票处呢, 甚至会有门票+车票合一嘅票卖,

凭住嗰张票, 搭咩车去会场都会唔使钱. 门票都包埋.

盛为32蚊一张. (净係门票都32喇.)

坐咗45分钟车, 终于都去到喇...

首先, 我哋就去睇表演, 第一个就係剃羊毛....

跟住就去睇飞摩托,

可惜, 飞飞下相机冇电!!!!!!!

搞到后来有四部赛车玩飘移都冇影到....

睇完之后去咗睇赛猪.....开场之前部相机可以影到几张,

一开场又影唔到喇.....

唯有等同学上网发相啦...

赛猪好受欢迎啊, 一日4场, 场场爆满.

我哋赶唔到第一场, 于是走咗去睇飞车,

2点钟有第二场赛猪, 我哋1点就去排队, 排咗成个钟....结果赛猪只係赛咗15分钟...

赛咗两个回合, 我哋坐嘅位置係捧4号猪,

第一场包尾, 第二场换猪之后该猪表现神勇, 勇夺第一.

赛完猪之后, 又有两只出嚟表演跳水.

睇完猪之后本来谂住去睇锯木嘅,

以前喺电视睇过, 啲大只佬个个斗块锯开啲木, 或者辟开碌木, 可惜, 睇唔到.

之后.......

我哋就去咗游乐场嗰边喇.

不过, 我哋4个女仔, 得我一个玩.

其余有两个呢, 见人哋个个都掟咗好大只公仔, 又话想要,

所以成个下午同埋成晚佢哋净係顾住赢公仔, 无鬼聊.

难得有得玩都唔玩, 公仔啫....

后来我嬲得滞自己去排队, 自己去玩.

之后有一个同佢哋失散咗, 咁啱见到我排紧队, 佢可能都觉得掟公仔冇瘾,

所以佢话陪我玩喎.

全场廿几三十个机动游戏, 除咗要另外俾30蚊嘅, 同埋啲弱智嘅,

基本上我样样都玩齐.

玩游戏嗰啲票要另外买, 60蚊70张票就可以玩尽全场.

所以就玩到我今日除咗手指之外所有关节都酸痛无比...

特别係条颈....因为fing 来 fing 去, 转来转去.....

但係好好玩....

翻都去我同我以前室友讲话好好玩, 介绍佢去.

佢竟然话之前学校带过佢哋去, 不过净係睇游行咩都冇玩, 连有机动游戏都唔知.

既然咩都冇玩係咪应该去多次先?

点讲都係一年得嗰一次啊, 去感受下人哋啲气氛都好啊,

净係识去海滩玩水..结果佢竟然话唔想一年去两次...

我即刻冇嘢好讲.

有得玩都唔玩, 我都唔知啲人谂咩嘅...

有得去嗰啲唔去, 去咗嗰啲又顾住玩公仔...一个二个都冇瘾嘅.

就算唔玩, 去睇下都好啊, 年轻人.....

下次都唔搵佢哋去.

最搞笑嘅係, 去掟公仔嗰两个, 睇人哋掟咗成晚, 自己先玩咗两铺, 掟咗几个细公仔.

有一个仲要自己花咗20几蚊去买公仔...

咁又有咩意思呢下?

人哋问, 喂, 你复活节玩咗啲咩啊?

你答, 冇啊, 掟咗两个公仔.

我就可以答, 我玩咗好多好多好刺激嘅游戏啊. 哼.

虽然係得自己一个上去玩, 开心极都有限,

而且要俾钱, 仲要玩到周身骨痛, 但我觉得值得喎.

值得过两个公仔.

不过哩啲人哋嘅事, 唔理得咁多.

 

顺带一提, 我都掟咗只细狗仔.

再提一提, 因为要等同学上到网先攞到相, 所以第日先放相上嚟.

睇住张我上官网搵到嘅赛猪相.

冲啊!!!!!!

2009.4.12 - H·S·L - hola,gday,aloha

  评论这张
 
阅读(13)| 评论(4)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017