注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.3.21  

2009-03-21 17:45:50|  分类: 噢哒唎哑 |  标签: |举报 |字号 订阅

  下载LOFTER 我的照片书  |

今日如常地, 又係最早一个翻到学校.

入到课室, 我同老师讲咗话我时间表有问题,

佢 "what?" 咗好多次之后帮我睇下星期四上课嗰个老师嘅学生名单

结果冇我.

所以, 最后得出一个结论, 只係学校搞错咗.

当佢帮我查紧嗰阵, Luigi 个老窦又嚟问我哋老师问题..

佢成日都走过嚟问, 而且明明人哋上紧课都好意思就咁走入嚟.

我哋一直都唔明, 究竟係我哋老师太受欢迎啊, 定係我哋老师咩都识呢?

个个老师都好钟意搵我哋老师..

Luigi 个爸爸(以下简称爸爸.) 今日问嘅问题, 足以令我觉得佢有老年痴呆.

都已经上咗足足一个学期课喇, 又考咗咁多次试.

佢都竟然唔知开卷考试叫咩名......

拿, 喺哩度我解释下,

我哋学校嘅开卷考试, 嘅正确名称叫 " Activity ",  但我哋一般都会叫 " open book test ".

虽然係两个唔同名称, 但其实都係同一样嘢. 每个学期都要考两三次开卷.

今朝, 爸爸一走入嚟就话: "Daniel, 唔好意思打搅你. 我好唔明, 究竟activity 係咩啊?"

阿Daniel (我哋老师) 就话, "即係open book test 囖."

爸爸: "哦.....咁即係点?"  (哩句大概啦, 因为我冇听到.)

Daniel 用好严肃, 好缓慢, 好无奈嘅语气讲: " 拿, 例如........"

之后我就冇听喇...因为....

但是我实在忍唔住, 背住佢哋偷笑....后来笑到忍唔住, 行咗出去抖气...

 

我都知你肯定觉得唔好笑喇...

我讲白D:

爸爸: 咩叫开卷考试啊?

Dan: 即係睇住本书去考试囖.

爸爸: 哦....咁即係点啊?

 

奇就奇在, 今个学期都结束咗喇, 又考咗咁多次, 你都未知咩回事...

咁就只有两个结论:

一, 学期初佢已经问过, 不过唔记得咗.

二, 一直以嚟佢都蒙查查咁教....

 

正当我出去抖气嗰阵, 另一个老师又去搵我哋老师. 仲要係一边行一边打肽,

见到死人老师同爸爸讨论得咁认真, 又一边行一边打肽咁走...

你话啊, 我哋老师係咪受欢迎啊.

Luigi 个老窦真係.....

Luigi 话佢自己细个嗰阵澳洲好少意大利人, 所以佢成日俾人歧视.

后来出咗玛利兄弟哩个游戏之后.....因为玛利奥个兄弟叫 Luigi,

所以从此以后 Luigi (老师) 就变得好受欢迎.

我讲哩样, 係因为, Luigi 个老窦好似玛利奥.

****************************************************************************************

 

今日翻学, 课都冇讲, 直接考试.

一次开卷, 一次闭卷.

两次都好难.....

开卷嗰度, 有啲题明明估中个答案, 但係唔敢写, 所以冇分.

有啲题唔知答案, 但係照写, 结果错咗又冇分.

平时一个钟嘅考试时间, 半个钟就全部交晒卷.

今日我哋个个都坐够一个钟....个个都唔识....

我哋都打定输数, 实攞NYC...

唔係 New York City 啊, 係我哋学校唔及格嘅意思.

唉.......

上埋听日课就放假喇....

一啲开心都冇.

  评论这张
 
阅读(18)| 评论(2)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017