注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.3.14 之 电闪雷鸣星期六  

2009-03-14 17:55:58|  分类: 噢哒唎哑 |  标签: |举报 |字号 订阅

  下载LOFTER 我的照片书  |

今日上课.....演讲咗两次.

第一次, 就係星期一未轮到我, 今日继续讲.

第二次就係上个星期五死人老师无啦啦要我哋自创一个蛋糕

(准确啲讲係 Gateaux, 按老师嘅解释就係, 好多层嘅, 入面有少许酒做调料.)

之前我唔知要用酒, 求其整个荔芝味嘅, 误打误撞都俾我加埋支荔枝酒做调料,

搞到我好似好识嘢咁, 仲用电脑 "画" 埋幅图上去.

有同学上网搵个蛋糕, 复制粘贴咁整埋啲图上去,

啊, 个死人老师都话好喎...

又係佢自己话唔准抄, 一定要自己谂嘅....

嗰个同学就连星期一嗰份演讲都係抄网上面嘅.....好唔公平!!! (等阵再讲.)

早知我就唔使谂得咁辛苦, 唔使画得咁辛苦啊....

睇下我幅 "画", 我知哩张嘢唔算画, 但毕竟都係有用心去做啊...

2009.3.14 之 电闪雷鸣星期六 - H·S·L - hola,gday,aloha

 

不过好在, 死人老师最后都话几钟意我个糕.

哩份演讲其实根本就冇分嘅, 不过佢叫我哋做, 原来....

係因为听日上厨房课佢要我哋自己整两个蛋糕出嚟.....应该係整两个gateaux....

天啊.....

所以佢讲完之后个个都杀咗自己唔少脑细胞....(喂, 好似学校发嗰份教学内容冇话要自己整喎!?)

我同同学为咗有多啲时间 "设计" 我哋嚿糕,

放学之后去咗咖啡店, 买咗两件蛋糕一边研究一边思考..

睇下我哋张枱....嗰两件蛋糕我哋食咗三份一都已经食唔落去...

都唔明啲人点解咁钟意食...

如果唔係为咗研究点样层层叠啲蛋糕, 我留翻啲钱买饭食唔好过.

(留意咖啡后面嗰件糕, 其实係有四层嘅.)

2009.3.14 之 电闪雷鸣星期六 - H·S·L - hola,gday,aloha

 

话时话, 好多人都好钟意去咖啡厅啊, 快餐店啊做功课..

嗰啲地方其实一啲都唔静啊, 乜你哋学校冇图书馆噶咩?(我哋学校真係冇.)

2009.3.14 之 电闪雷鸣星期六 - H·S·L - hola,gday,aloha

 

隔离枱嗰位鬼妹姐姐(定妹妹啊?)

2009.3.14 之 电闪雷鸣星期六 - H·S·L - hola,gday,aloha

 

翻到屋, 室友话房东拎咗箱蕉过嚟....

咁客气啊....上次佢拎咗成箱士多啤梨嚟, 点知全部都发晒毛嘅...

好彩, 今次啲蕉几靓.

2009.3.14 之 电闪雷鸣星期六 - H·S·L - hola,gday,aloha

 

讲翻演讲, 之前我哋做功课, 个个都你抄我我抄你,

搞到老师要我哋全部重做, 个个都鸡毛鸭血咁,

从此之后我哋都唔敢抄(要知道读咗咁多年书其实都抄过唔少.)

我哋抄功课呢, 就唔係全部抄嘅, 係抄唔识嘅一两题.

外国好尊重知识版权, 我哋做演讲做功课要上网搵嘅图片啊, 资料啊, 最后都要专登整页纸去写出处.

今次份演讲(星期一嗰份.), 主题係要教人哋一啲工作技巧, 话就话係工作技巧, 但你可以教任何嘢.

有人教打麻雀, 有人教打廿一点, 有人教整寿司.

无论你教咩嘢, 都要带辅助工具上去, 教麻雀嘅带麻雀, 教寿司嘅打饭带紫菜.

有咩係我识人哋唔识, 又唔需要带工具上去噶呢? 德语囖.

虽然, 学过嘅绝大部份我都唔记得. 所以我都好俾心机上网一路学一路写演讲.

所有同学(我知道嘅), 教嘅嘢, 就算唔识, 都会学识, 先去演讲

大拿拿占总分60%嘎..及唔及格靠佢噶喇.

嗰个同学呢, 犀利咯, 由头到尾都係上网搵, 到要教人嗰阵呢, (佢教画漫画)

佢就轻松喇, 叫两个同学上去学, 自己就坐住播啲幻灯片过你睇, 叫你跟住画.

咁叫教人咩? 充其量你只能够叫放映员咋啵. 

第二篇演讲仲离谱, 放啲上网搵嘅图当你自己创作嘅...

死人老师咁麻烦, 竟然冇话佢...仲对佢赞不绝口

简直激心...

 

今日下午就快5点嗰阵, 我搭紧火车, 突然间天黑, 落大雨, 係落暴雨.....

死啦....我把遮上个星期一漏咗喺学校, 翻转头攞嗰阵又关咗门, 冇遮添嘎.....

唔理喇, 继续闭目养神. 大概10分钟后, 去到另一个区, 竟然冇落雨喎....好嘢...

又过咗几分钟......又落过....

我谂, 算, 等阵落车去鬼佬超市埋啲粮食, 再买遮.

结果冇遮埋.....行出去嗰阵....停咗雨喎~ 于是就翻去喇.

7点几嗰阵.....突然行雷闪电, 啲雨越落越大, 大到好似消防栓爆咗咁,

啲雷大声到好似爆炸咁....然后, 上网嗰嚿嘢熄咗, 房盏灯又闪咗闪.....

最憎就係落雨.

唉....听日好唔想上课....

都唔知点呕两嚿蛋糕出嚟,

以前就话睇住菜谱整啫, 今次咩都冇...

好迷惘.....

  评论这张
 
阅读(36)| 评论(3)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017