注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.2.7 之 特别新闻报道  

2009-02-07 17:31:13|  分类: 噢哒唎哑 |  标签: |举报 |字号 订阅

  下载LOFTER 我的照片书  |

特别消息:

1,  由于搬新房, 新房网络仲未整好, 所以有段时间我都上唔到网. (闷死咯...)

2,  今个周末高温, 今日已经40度, 听日更高达44摄氏度(西区. 市中心都起码38).

     咁嘅天气仲要去厨房受折磨, 仲要大太阳底下等车. 阴公咯.

3,  我绝对有理由怀疑我个衰老师识讲中文!!!! 仲要係好流利嗰只!

     以前上课成日话咩 "大便, 大笨蛋, 难看, 再见, 八点"

     今日上课讲到Honey (食嗰啲啊), 我哋话知, 然后佢用国语话:"嗯, 蜂蜜."

     跟住佢问知唔知蜂蜜点嚟(朋友, 我哋唔係弱智嘎!), 我哋话 "bees",

     佢又用好流利嘅国语讲:"yeah, 蜜蜂."

     之后佢要4个同学上黑板抄嘢, 又用普通话讲:" 一二三四."

     有个老师走入嚟还嘢俾佢, 临走前对住后面啲三唔识七嘅印度人打晒招呼

     我哋个老师又用普通话讲咗句 "神经病."

     所以我哋以后闹佢咒佢一定要用方言.

 4,  今日个老师同我哋讲, 平时星期六成日好冇礼貌地骚扰我哋上课嘅嗰个阿伯老师,

      原来係我哋以前个老师阿Luigi 个老窦!!!!!

      哗....老窦係大厨, 个仔又係大厨, 个新抱又係大厨, 印象中Luigi 讲过佢家姐定唔知个妹又係大厨.

      Luigi 同佢老婆都係西点.....个仔同个老都都係我哋学校嘅老师..

      Luigi, 我们想你了....

5, 琴晚同搬屋嘅人讲好咗今日下午5点搬屋,

点知突然话提早到3点几,

点半放学, 去 Market City 楼下买咗三个红白蓝胶袋. (嗰度好似叫Paddy's market)

因为搬屋嗰个人讲, 1-5, 5-10, 10-15个箱(袋) 就唔同价钱

虽说我嚟咗澳洲得嗰半年, 但係啲嘢就成倍增加,

什么打印机啊, 电饭煲, 不粘锅, 油盐酱茶(冇买醋.)

嚟嘅时候潇潇洒洒一大箱一细箱一个袋一部电脑,

而家就两大箱三细箱....仲未计其它嘢呢.....

都唔知点嘢点嚟嘅.

所以我要买个大袋将细嘢装埋一袋. 咁就唔使加钱.

讲翻正题.

两点买完嘢(当中包括去提款机攞钱.),

拿拿声去搭车, 然后等车,

两点九仲喺部冇空调嘅火车度摇下摇下嗰阵,

突然接到电话!!

话仲有半个钟就到.

我都未翻到!!!

于是落车后又拿拿声翻去,

将煲啊, 油啊嗰啲装埋一袋,

趁有时间去个厕所...

都未冲厕同学就打电话嚟问点嚟我度(佢哋同我一齐嚟, 不过我就翻去先, 佢哋去买嘢)

哩头讲紧电话, 嗰头又有电话入,

话到咗喎...

于是又拿拿声冲厕所, 洗手, 换鞋, 落楼...

然后开始搬喇.

成头大汗, 面都未洗得切...

开头我以为会有几个人添, 原来得一个..

佢仲话....我啲嘢唔多....有啲女仔好贵多..

中间过程同搬完之后省略.

之后个房东嚟咗, 交钱交锁匙.

细问之下,

房东东北嘅,

同我一齐住嗰两对夫妇定唔知情侣,

一对东北,

一对北京...2009.2.7 之 特别新闻报到 - H·S·L - hola,gday,aloha

嗯............

唔紧要啦,

哩度暂住噶啫.

况且人哋翻工我休息,

人哋休息我翻学.

夜晚就个个都入房噶啦,

房东就交租先见到.

冇有要紧.

我之前都话,

都未搬,

就盘算紧几时再搵屋.

嗯...........

同学话, 细房都可以布置都好温馨

我话, 咁残, 我冇心机搞温馨.

唔紧要啦,

暂住啫.

听日放学又要执埋其它细件嘢..

唉......

好眼瞓.

哩几日个脑不停咁谂住搵屋搬屋,

结果今日凌晨两点几醒咗,

我个脑同我讲咗句, "5点几喇, 起身搬屋."   -_- '''''

先几日仲离谱,

发梦老师要我哋翻屋企自己整唔知乜鬼嘢,

我唔记得买面粉.

然后半睡半醒个阵个脑又同我讲:

"死喇, 我冇买面粉啊点办啊?! 死啦!!!!!!"

然后俾自己吓醒, 个脑又讲咗句:

"痴线, 无啦啦买面粉做咩啊."

嗯.........2009.2.7 之 特别新闻报到 - H·S·L - hola,gday,aloha

  评论这张
 
阅读(14)| 评论(6)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017