注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.2.22  

2009-02-22 17:18:33|  分类: 噢哒唎哑 |  标签: |举报 |字号 订阅

  下载LOFTER 我的照片书  |

先讲一讲, 我哋实践理论课总共有三个单元...

每个单元结束都要考两次试.

一次开卷, 一次闭卷.

上个星期考咗开卷, 25分满分, 我21.

琴日考咗闭卷, 老师即常改分(总共先得嗰18条题)

18分满分, 我13..

算係咁啦..(考试之前有提示嘅, 我记得啫)

 

今日係咁多堂厨房课以嚟最开心嘅一次.

因为我整得好, 又提早放学.

本来今日应该整黑森林蛋糕,

蛋糕底上个星期都已经整好咗留翻今日用,

老师琴日仲不停咁讲应该点装饰个蛋糕.

点知今日一去到厨房, 老师就话今日唔整黑森林, 因为厨房冇cream...

所以.....

我哋今日好快就可以放学.

事实亦都证明咗, 我哋12点走得....提早咗两个半钟.

今日整啲嘢都好简单.

本来琴日同一个福建女同学讲好咗今日同佢一组,

因为我实在唔想同嗰个上海男一组喇...

点知今日个女同学谂谂下, 都係唔同我一组喇...唉....又要同嗰个一组..

好在今日啲嘢简单, 唔使重做.

不过佢都只係做咗第一个. 其余嗰啲全部我整.

第一个係一个大蛋糕. 个个件饼中间都塌咗, 老师嗰个都係,

就係我哋嗰个中间好平滑...而且焗得好, 所以满分.

第二个係整黑森林嘅, 好似係饼底.

用什么黄油, 面粉, 糖, 苏打, 牛奶, 蛋, 可可粉, 朗姆酒, 一齐搅啊搅,

然后搓成一块饼, 摆落雪柜等下次整黑森林用.

第三个係scone....唔知中文叫咩, 查过下, 叫 "司康" 饼

自己一手一脚整嘅, 果然好食啲, 连老师都话整得几好.

第四个係muffin, 松饼, 入面啲料就我整,

到到要放入个模度焗嘅时候.....

个上海男係都要将啲纸放平, 係都话冇所谓, (整个过程解释唔到.)

老师话佢佢又话翻老师...

结果呢..

本来muffin 应该一个个蘑菇咁栋起身, 我哋嗰啲呢....变晒青蛙咁..总之就唔好睇啦....

自以为是若的祸.

今日影咗几张相, 后补.

难得今日提早咁多放学, 本来应该值得开心,

不过....

要赶功课啊....听日又要考试....

嗰份功课我做咗几日都未做完....唔多, 不过唔易做.

4点几嗰阵谂住摊下休息下, 结果攰到瞓着咗..

5点3听到出面有人洗米煮饭我先醒起..

係喎! 我都要煮饭喎!!

于是拿拿声起床...

因为啱啱瞓醒, 倒咗米落电饭煲, 米都未洗就插制煮米..

好在哩头插完哩头醒起未洗啫..

讲起煮饭...

搬咗入嚟之后煮嘅第一餐, 简直好食到不得了.

虽然好简单菜心炒唔记得咩肉, 但係因为太耐冇自己煮过,

成日食埋晒出面嗰啲, 所以觉得零舍好食啲.

但係.

非必要情况下我都唔想煮.

因为哩个炉好难顶...用电嘅,

煲水滚汤都要等足半个钟先滚,

唔好爽...搞到都冇心机煮...

之前我15分钟就炒好两碟菜(极简单嗰啲),  而家要等半个钟先水滚..

如果係用火嘅, 按道理, 个锅有水珠, 一摆上个炉就会有反应.

而家呢, 要慢慢等...就算个锅庆咗, 都未有动静. 要慢慢等.

以前要煲饭煲好咗先整餸都未迟,

而家, 哩头洗完米, 嗰头就开始庆锅...

计过喇, 真係用咗半个钟.

所以, 除咗翻学嗰两日,

我决定..

非必要情况我都唔想煮.

  评论这张
 
阅读(15)| 评论(4)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017