注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.2.16  

2009-02-16 19:12:44|  分类: 噢哒唎哑 |  标签: |举报 |字号 订阅

  下载LOFTER 我的照片书  |

今日星期一.

由今日开始, 今个学期每个星期一嘅课都喺另一个校区上.

都算喺市中心...不过出火车站之后要经过一个大公园.

起码要行成15分钟.

不过嗰个校区几靓几大. 厕所都大啲.

总共3层楼, 三楼有两个厨房添.

二楼就电脑室.

不过係交通唔多方便,

同埋...

周围全部都係屋, 一间铺头都冇.

中午如果唔带饭, 实饿死都得.

今日一上课,

死人老师就发第一单元嘅成绩单.

之前讲过,

星期一係两个班一齐上课.

佢哋班就个个都起码80几.

我哋班呢.....

见到最高分嘅, 只有70几.

而且...

有六个唔及格, 要补考...或者重读哩个单元...

我哋学校65分先及格.

我呢....

68.

我唔需要高分...

俾哩个老师教, 及格已经好好彩...

暂时松一口气啦.

不过...

仲有两个单元....

今日冇乜点上课, 每人5分钟上去做Role Play, 今次扮电话接线生.

哩个Role Play 犀利咯,

占成个单元总分嘅40%

逐个逐个咁上去读书,

下面嘅人, 个个都牺牲咗咁,

唔係瞓着咗, 就准备瞓着.

一结束啫,

个个都好似放监咁冲上去签名走人.

 

傍晚时分肚饿得滞,

于是喺出面食埋晚饭先翻去.

我同同学去到一间好旺嘅台湾店食,

个老板係上海人, 老板娘係台湾人.

其实啲嘢未至于话好好好好食,

但係次次去出面都排晒队.

我点咗盒牛腩烩饭.

入面有饭有菜有肉.

临食完嗰阵,

我见到入面多咗条好奇怪嘅肉,

睇落去好似鱿鱼条腿咁, 当然俾你想象中嘅鱿鱼腿细啲.

我好好奇地认真一望.

啋~~~有脚嘅, 菜虫啊....!

本来我对菜虫冇乜特别感觉,

有虫先证明棵菜冇农药.

不过....嗰条虫会唔会大条咗啲呢?

真係同鱿鱼腿一样样, 筷子头咁粗(夹菜嗰边.)

于是就同店员讲. "这里有条虫."

"哦, 菜虫."

听到佢咁讲, 我即时谂, 吓? 你咁嘅反应, 好似好平常咁.

点知佢后来话, 使唔使换个盒俾我.

我又谂, 我饭都食完, 你攞多盒嚟,

我有咁嘅胃口都唔想食.

佢可能都知道, 因为我盒饭都食得七七八八,

于是佢又话, 不如换过盒俾你打包.

佢拎走盒饭之后, 我听到几个店员都讲:

"几号枱的?"

"8号."

"xxxxxxxxx 8号枱的.."

总之就谈论紧条虫啦.

埋单嗰阵, 另一个唔知情嘅店员走埋嚟问我係咪叫多份牛腩饭,

然后准备落笔写单..

话换过盒饭俾我嗰个店员即刻叫佢唔使收钱...

后来俾饭我嗰阵仲同我讲"不好意思"

唔使 bu 姣意思, 菜虫啫...

不过真係好大一条菜虫...

听晚晚饭又唔使煮喇.

仲唔使钱添....

  评论这张
 
阅读(19)| 评论(2)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017