注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.2.15  

2009-02-15 14:24:36|  分类: 噢哒唎哑 |  标签: |举报 |字号 订阅

  下载LOFTER 我的照片书  |

好想呕......

今朝坐巴士, 西下西下咁

胃入面仅有嘅两片面包同一片芝士不停咁跟住部车西下西下西下...

去到科技大学, 等咗一轮, 上车, 又西过....

此为一呕.

去学校, 终于俾我哋见到马喇!! (提醒一句, 我哋厨房喺赛马场上.)

一只好型嘅马, 后面拖住部车仔, 上面坐住个男人....

终于见到喇....不过因为赶住翻学, 所以冇影相.

跟住就上课.

今日啲任务都好简单.

不过.....

本来我同其余两个同学三个人一组,

嗰两个就迟到.

个死人老师又话唔可以三个人一组(上星期都仲得嘎.), 唔可以四个一组

于是就夹硬同咗个一样冇 partner 嘅上海男同学一组.

点解话夹硬?

因为佢好自以为是,

成日都按自己嗰套方法去做.

有自己一套方法係好, 但都要用得先得嘎.

边个同佢一组边个就要重做.

你话佢佢又唔开心.

呢, 我哋第一个蛋糕就重做咗三次.

本来可以好快搞掂, 结果我哋中午为咗赶进度,

都冇休息过. 水都冇饮.

佢成个上午就不停重做重做,

我就自己一个整其它蛋糕.

都好嘅, 知道点做.

后来老师见我一个人行过就同我讲:

"Silun, 你要帮下佢..."

我点帮啊.....我都俾佢搞到咩都唔记得晒,

后来整整下, 唔见咗佢. 成个厨房都冇咗佢嘅踪影.

于是....醒目嘅我...

打开冷藏室度门..

见到佢之后, 感慨哋 "啊" 咗声.

其时老师正想入去冷藏室,

见到哩个情景, 都忍唔住望住我笑.

后来佢要放嘢入雪藏室, 我帮佢关门(佢喺入面).

个老师又同我讲, "冇错, 关住佢."

之前老师话先将啲蛋白打到发起, (一个手掌咁多嘅蛋白打到成个锅咁多..未打完都变半残废)

然后慢慢咁加糖再打..

佢为咗赶时间,

叫我将啲糖直接放落去同蛋白一齐打.

大佬啊, 又重做咁点啊?

于是我就话"老师话应该点点点点...."

哈, 跟住佢就唔高兴喇.

成日就识得讲"没关系的呀.没关系的呀."

整得唔好就黑口黑面.

唉......

因为今日啲嘢实在太简单,

所以早咗一个钟放学.

放学之前当然要大扫除啦.

临尾嗰阵,

老师叫我将枱底啲陈年食物残渣扫出嚟...

搞到我扫扫下想呕咁滞.

此为二呕.

本来今日对个死人老师都有所改观嘅.

后来同学话, 因为我哋班嗰两个上海女仔成日同佢有讲有笑,

所以佢哋就高分啲.

放学嗰阵出去坐车,

不出所料, 哩位来自绅士之国嘅英国佬,

次次都係啲女同学就企住等车,

自己就坐喺张凳度听歌.

一有车嚟就第一个冲上霸咗个位先.

唔係话叫你让位,

唔係话叫你有风度.

但咁你都好意思嘅?

你唔钟意我哋班,

咁你第一个冲上车我哋咪一样上到车, 咪一样同你同一部车.

啲印度同学仲争住坐你隔离添.

人哋其它班嘅老师上上下课见到我哋捧住午饭,

都大大声咁叫我哋分啲俾佢.

就琴日之嘛, 11点我哋放饭, 上去食嗰阵经过一个班,

仲上紧课, 我哋几个捧住盒饭经过佢课室,

佢大大声咁问我哋做咩.

有两个同学吓到走咗.

净翻我同另一个都唔知发生咩事.

正想走埋一份嘅时候个老师话我哋可以留低.

行翻去嗰阵佢话要同佢分享下.

我又大大声咁讲咗句..... :"唔同你分享啊~"

然后佢哋班哄堂大笑.....

放学嗰阵坐巴士, 得翻最后排,

成个人飘下飘下咁...

落车之后又行翻去再搭过巴士,

因为太攰, 见部慢车咁空,

毫不犹豫咁上咗去.

结果....

又西下西下西下西下西下西下西下.....

明明中午都冇食嘢, 净係上车之后饮咗几啖水,

俾佢西几西, 又想呕....

坐坐下车嗰阵突然落好大雨,

到我落车嗰阵就停晒...哈

此为三呕.

翻到去, 拎晒啲架撑出嚟洗,

闻到整蛋糕阵味又争啲反胃....

此为四呕.

听日又上课喇....唉.....

此为五呕.

  评论这张
 
阅读(19)| 评论(3)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017