注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.2.14  

2009-02-14 18:01:51|  分类: 噢哒唎哑 |  标签: |举报 |字号 订阅

  下载LOFTER 我的照片书  |

今日真係...曲折....奔波....

首先.....

因为哩个周末火车检修...唔知修车定修轨喇,

总之冇火车搭.

所以就要搭巴士.

由于佢讲到明同火车站时间表唔同,

唔知几点会有车,

更加唔知要坐几耐.

所以, 我,

4点9就起床.

好奇怪, 每次一到翻学,

前一晚就肯定瞓唔着. 瞓着都会瞓下醒下.

我琴晚11点多啲啲就上床瞓,

结果瞓唔着, 然后醒咗, 然后瞓翻, 然后醒咗....

4点9起床, 5点10我就出门口.

首先去买火车票(一定要有票. 不过冇人检查.)

然后去等车.

等咗一阵就有喇, 当其时只有6点1个字.

上到车....哇塞....几乎坐满晒.

今日星期六喎, 而且咁早, 都有咁多人....

喺部车度摇下摇下,

由天黑, 坐到天开始蓝蓝哋,

坐到见到朝霞, 再坐到天完全光晒...

半个钟...摇咗我半个钟.

不过都算快. (因为我坐快车....)

落车嗰阵一睇表...

啋....先6点半....我7点半先上课喎....

于是我就企喺学校门口等开门....

由6点半一路等等等等等等等等等......

7点3个字先开门.

平时哩个钟数门口已经好多人,

但今日....竟然得几个学生....

后来我上到课室, 喺出面等够钟上课嗰阵,

有个老师同我哋老师讲:"今日好静喎.."

听到之后我都唔好意思, 拿拿声入课室..

7点半啲人先慢慢腾上嚟...仲打电话叫我落去开门添...

难为我等咗成个钟.

跟住开始上课. 上课.  上课. 上课.

然后中午食饭. 跟住讲听日要整嘅嘢

顺带一提, 听日我哋要整芝士蛋糕.

你哋就觉得好好食.

我而家见到蛋糕都冇胃口, 闻到阵味就反胃.

12点, 开始考试.

好在係开卷啫.

都几难嘎, 啲内容个死人老师都冇讲过.

讲起佢就嬲....

我哋星期一嘅理论课两个班一齐上,

个死人头平时成日话我哋大笨蛋都算啦,

今日竟然话我哋班啲人蠢, 另外一个班就叻.

但係我哋实践课完成得快,

听完之后我哋当然开心啦, 当你赞我哋嘛.

点知佢话, "你哋係快, 但人哋好过你哋啊, 你哋只不过係快啫."

好似你上课根本就冇教过我哋喎, 求其讲两句就叫我哋做,

我哋做得出不特止, 仲要快过人哋

咁都唔得嘅.

佢唔钟意我哋班,(你估我又好钟意你啊.) 所以俾分都俾得低啲.

所以我哋班起码有6个人唔及格.

唔知我有冇份喇.

都唔知係上个学期啲老师太好定係哩个太衰.

以前考试做作业, 起码都有80几.

而家及格都算偷笑.

有同学同 Luigi 发短讯讲我哋而家上紧Daniel 课,

Luigi 都话我哋唔好彩...

(唔知係情人节上课唔好彩啊, 定係上佢课唔好彩喇.)

唔怕, 仲有5个星期.

仲有5个星期就换老师喇...

放学之后出到去,

哗.....好多人啊.....

情人节个个都好似曱甴咁走晒出嚟啊...

好多靓仔靓女啊...

谂起就阴公咯..

星期六情人节要上课,

又要考试, 仲要俾人话我哋蠢, 话我哋唔好.

仲要落雨添......

唉.......

听日又要俾巴士摇到去Central,

然后又摇巴士去厨房....

跟住又再摇翻翻去....

唉.....

  评论这张
 
阅读(13)| 评论(3)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017