注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.2.13  

2009-02-13 11:17:29|  分类: 噢哒唎哑 |  标签: |举报 |字号 订阅

  下载LOFTER 我的照片书  |

其实应该係琴日发生嘅事.

话说琴日下午点几嗰阵我复印书复得正"高兴"

突然间话冇墨.....

本来谂住今日先出去买嘅,

但係谂谂下都係出啦,

反正都冇晒嘢食咯,

出去买嘢都好.

于是两点三左右我就出门口.

由我住嘅地方去火车站需要过两个红灯.

正当我喺第一个红灯等过马路嗰阵,

有位中国阿伯走埋嚟问我"The Avenue" 点去,

话佢啱啱买完嘢, 出嚟就荡失路..

好在我听过The Avenue 哩条街,

之前搵屋嗰阵打印过份地图,

我都有望过下嗰条街.

阿伯...

你荡失路都荡得好离谱啫.

The Avenue 喺火车站嗰边,

你而家喺火车站哩边...

于是我就带佢行翻去嗰边.

佢话佢记得係电梯嗰边上嚟...(你记得边度嚟又会唔识行翻原路嘅?)

佢话佢住喺市政府附近, 去到市政府就识...

问题係我唔识喎...

好在, 我问佢识唔识图书馆,

好在佢话识啫.

所以我就决定带佢到图书馆.

因为我虽然知道有The Avenue 哩条街,

但毕竟我未去过, 搞到带错路就唔好啦.

一路行佢一路讲嘢,

话佢屋企人原本想陪佢出嚟买嘢,

但佢话唔使(咁咪荡失路囖!)

原来佢8号先过嚟悉尼,

听佢咁讲, 应该係过嚟探亲.

去到图书馆,

佢话佢记得佢行过哩边,

我都估到佢就算记得行过都唔记得点行喇,

于是我就再带佢搵 The Avenue.

一路行佢一路讲,

哩边环境好, 人又少, 空气又好,

比上海好好多.... (嗯......上海人...)

图书馆对面有个停车场,

阿伯话记得佢女婿部车听哩度,

然后就带佢去图书馆嘅.

佢一路都讲啲唔知係上海话定係浓厚上海口音嘅普通话,

反正我一个字都听唔明.....

佢讲讲下又讲翻纯正普通话喎...(可能佢知我听唔明.)

行行下终于见到一个路牌写住"The Avenue" 喇!!

个路牌发晒光咁闪下闪下~(夸张手法)

我都不知几开心...

唔係因为我可以帮到阿伯搵翻屋企条路,

更加唔係因为我可以走人.

而係因为我搵到条路....

所以我想会觉得个路牌闪下闪下咁~

开心到我忍唔住指住个路牌讲咗句"啊, The Avenue!!"

阿伯都好开心,

临走嗰阵仲话: "来, 握个手."         -_-'''

阿伯..唔使客气....

一路上你都讲咗好多句"谢谢", "耽误你的时间不好意思."

跟住我就去买嘢,

首先去买嘢食, 买肉, 买奶, 买饼,

然后去买菜, 然后就去买墨水...

哗....乜墨水咁贵嘅?

我记得之前喺唐人电脑城买係39蚊,

做乜鬼今日喺鬼佬电器铺买成48个几嘎?

哗..........

如果唔係等住用我都唔买....

哗..........

咪喇,

下次去开边度见到平就买定先喇....

 

话时话, 嗰阵我个大连同学带我去电脑城买墨水,

佢用普通话问个老板有冇墨水,

个老板好唔想理佢咁问边只,

我听个老板用啲广东口音嘅普通话讲嘢,

于是就用翻广州话同佢讲.

个老板即时好好脾气咁同我讲嘢.

你话啊....哩度啲人真係...

又话时话,

我已经唔止两次俾人话听我讲普通话听唔出又广东口音....

我都唔知开心定嬲...

开心係因为我讲得正, 普通话讲得好,

嬲係......你即係话我捞啫 ("捞"在此非贬义.)

我同学个同学第一次见我, 话我唔似广州人.

因为佢哋印象中嘅广州人都好非主流...

我好无奈咁讲咗句,

因为我一早就过咗非主流嘅年龄...

唉.....

  评论这张
 
阅读(11)| 评论(2)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017