注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.1.18  

2009-01-18 21:37:36|  分类: 噢哒唎哑 |  标签: |举报 |字号 订阅

  下载LOFTER 我的照片书  |

自从知道去厨房要咁麻烦之后,

我哋个个都唔想上课..

今日瞓瞓下突然醒咗, 见到个天光晒,

心谂, "死喇, 做咩个天咁光嘎!! 唔係7点嘛?!?!" (因为本来我应该喺太阳报到之前起床)

于是拿拿声开手机睇时间, 跟住又突然醒起有个钟,

望一望, 死咯, 6点11

本来六点两我就已经出门口, 但係我竟然6点11先醒,

于是已迅雷不及掩"眼"之势起床换衫刷呀洗面(因为个人未醒, 所以对眼好涩)

之后望下个火车时间表, 好在, 今日星期日, 车次少,

本来我要坐6点24分嘅车, 下一班车就6点44....

好在赶得切...

而且, 巴士头班车係7点19, 我就算坐6点44嗰班车都冇事, 因为7点07分就落车.

前一晚我就同啲同学讲好喺汇丰银行等,

今朝佢哋打电话, 话喺中国银行, 虽然同一条街啫,

但都要行成几分钟嘎, 结果呢,

头班车唔埋站.

我一早都话去喺汇丰噶啦,

哩个又话边度坐都一样, 嗰个又话学校唔係好远啫, 坐第二部车然后喺咩咩路落再行过去,

最后咪一样拉大队行翻去汇丰坐车,

激死我, 本来我哋坐头班车都肯定会迟到, 而家仲要错过咗...

唔识又喺度争住认叻.

我都唔识, 但起码我去过学校啊, 一个二个都旨意晒人, 学校喺边都未知,

倘若我哋三个(之前一齐去搵学校)唔同佢哋一齐翻学, 我问你哋点去.

激鬼死我喇.

去到学校...

唉, 换件衫都先进到要搭电梯, 中午食饭枱都冇张,

以前Rockdale 个厨房已经够衰, 但起码交通方便, 似翻间学校啊

而家哩度? 摆器具嘅地方仲细过个厕所, 係一格嘅厕所.

如果唔係老师开住度门, 我哋实焗死.

讲起个老师...都唔知话佢烦定有专业精神

只要你只手掂过块面都要你即刻去洗手

后来发觉只要你只手稍微抬高少少, 唔係摸面都好啦,

佢都会即刻望住你....

而且成日失惊无神企喺我哋后面..

以前嗰个老师戴黑帽黑围裙, 而家哩个除咗啲钮係黑嘅, 其余同我哋一样.

唔望正面仲以为佢係学生...

本身讲嘢又细声, 声音又低沉,

次次做示范又唔知佢嗡乜, 又唔讲清楚喎,

而且次次自己整好晒就略略咁同你讲入面有咩...

以前嗰个老师一步一步教, 又讲得详细, 又讲得清楚,

就算学唔识, 起码都知道自己做过啲咩啊

今日我哋个个都好混乱, 除咗不断称材料之外,

我都唔知做过啲乜, 就算得个企, 都唔知应该企去边.

以前上完课, 老师都会分组搞卫生, 咁先有效率嘛,

而且次次佢都会好忙咁执嘢, 甚至帮手,

而家? 一句 "搞卫生喇", 就做死人, 好在我哋中国人胜在够勤力,

唔似嗰几个印度嘅行行企企, 得闲就拎住张纸巾係咁二抹两抹.

以前我哋都为咗哩啲嘢而嘈过.

而家哩个老师都好忙咁腾嚟腾去啊, 不过係同你讲边度未干净.

好唔容易等到放学, 又要等成半个钟先有车...

翻一次学就用咗 $12.2, 够我买一个星期餸喇..

唉....仲有9次厨房课...唉....

我哋星期六日一上课, 一个星期三日,

但係个感觉好似上四日咁.

好唔容易捱过咗星期日, 又讲星期一喇...

听日又要翻学喇...

  评论这张
 
阅读(8)| 评论(1)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017