注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2009.1.1  

2009-01-01 17:26:54|  分类: 噢哒唎哑 |  标签: |举报 |字号 订阅

  下载LOFTER 我的照片书  |

(由于每篇日誌只能放8张相, 所以睇相请去网易相册 [零捌->零玖] 部分观看, 最新照片最前.)

 

09年终于到喇!!!

上年, 我6点就起身, 睇CCTV新闻嗰阵听讲今年有润秒..

8点钟我就去到Town Hall, 等同学期间见到好多人大包细包咁,

唔使问阿贵, 都知佢哋去边.

8点几我哋去完超市, 花咗22蚊买完两年嘅干粮之后,

就搭车向目的地进发, 目的地係悉尼歌剧院.

一落火车, 哗....个个都拎住好多嘢.

我哋谂都唔使谂就跟住佢哋行.

一路行行行, 行到歌剧院, 要过简单嘅安检,.

入到去, 可能因为得9点几, 所以唔算多人, 不过头排位已经俾人霸到七七八八.

好在, 我哋都霸到海边一个头排位, 而且周围全部都係鬼佬.

冇经验真係冇经验, 去到见到个个都带晒大毛巾垫住坐, 再唔係就带凳.

我谂住带报纸就够啦...不过我哋都唔使垫, 因为我哋嗰个位有凳坐.

总之我哋嗰个位就无敌啦.

我哋由上年朝早9点几开始等.....要等足12个钟....

后来周围人开始多, 连过道位都坐满晒人..

好晒, 好热, 好大风, 所有人都不停重复一个动作, 就係擦防晒..不分男女, 国籍, 年龄..

我哋当然有担遮啦, 不过唔知点解, 得我哋两个把遮会成日俾风吹反....

而且呢, 热到连可乐都变热可乐..

到下午人已经好多, 连去厕所都排足15分钟队..

开头嗰几个钟, 等极都只係半个钟半个钟咁过, 想打机睇书都冇心机,

因为又晒又热..成个人都唔想喐..

等咗好耐好耐, 终于等到8点太阳落山,

又等咗阵, 终于到9点, 倒数咗一轮, 就放咗5分钟烟花仔..

等咗12个钟就等咗哩啲....不过, 重头戏不在于此.

又等咗两个半钟, 终于开始倒数喇!!!

倒数完之后就放烟花....真係....好鬼靓!!!!!

以前每年1月2号睇TVB新闻, 播翻全世界各地点倒数,

次次都见到悉尼海港大桥嘅烟花汇演, 好似瀑布咁,

真係只有"好鬼靓"形容得到.

放完烟花之后, 就完喇...个个都执嘢走人, 不过佢哋唔係走翻屋企,

而係去酒吧之类嘅地方继续狂欢.

我哋喺最大嗰条马路都行, 一路都见到好多人..

几乎成个悉尼嘅人都出晒嚟..

个个都好兴奋...我哋两个就攰到傻..朝早就热到痴线,夜晚就冻到傻, 唔病都算偷笑.

喺某个露天商场入面坐咗阵, (贪嗰度够静, 够安全),

之后见人少咗, 去咗食嘢, 然后就翻去喇.

咁就过咗一年.

我哋两年冇瞓过觉(由08年12月31日朝早6点到09年1月1号朝早7点), 两年冇食过米饭

唔知做乜鬼个肚搅下搅下, 好辛苦..

今朝翻到去,拿拿声去厕所, 洗衫(因为今日天气好好), 冲凉,

然后拿拿声瞓觉, 瞓到下午5点几...24个钟冇瞓过, 瞓翻10个钟都好应该.

下面係08年最后一日影嘅相, 其余嘅喺网易相册, 自己去睇.

好识叹嘅鸽...随住啲浪飘嚟飘去...睇到我都想跳落去浸下...因为真係好热...

2009.1.1 - H·S·L - hola,gday,aloha

好经典嘅一个人, 好经典嘅一把遮, 好经典嘅一个画面.

经典到个个都望住佢议论...

顺带一提, 佢係中国人. 讲普通话嘅. 有一个仔, 一个女..

2009.1.1 - H·S·L - hola,gday,aloha

 

巡逻嘅警察叔叔...次次有船经过, 船上嘅人同岸上嘅人都挥手, 连佢哋都唔例外.

感觉好似首长巡视咁....阿Sir...你估你港男绕场一周咩...哩张佢哋冇挥, 有挥嗰张喺网易相册.

2009.1.1 - H·S·L - hola,gday,aloha

 

冇嘢好评论嘅一张相.

2009.1.1 - H·S·L - hola,gday,aloha

 

白色部份係个舞台, 夜晚有人唱歌跳舞仲有乐队表演.

可惜, 我哋坐喺舞台嘅背面...而周围有嘢拦住入唔到.

同学话, 好似只有入面跳舞嘅人先係过紧节, 我哋出面完全冇气氛.

2009.1.1 - H·S·L - hola,gday,aloha

 

一路都有飞机喺上面喷字, 但喷极都唔知想写乜,

直到后来...先知道, 原来飞机都要练字, 真正想写嘅係下面嗰句话.

叫你打电话俾阿妈啊.

因为屏幕问题, 最左边应该仲有个C...

本来觉得几温情嘅, 点知后来见到后面写住Telstra (某电讯公司), 即时冇晒感觉.

2009.1.1 - H·S·L - hola,gday,aloha

 

舞台前面气氛高涨, 舞台后面个个摊尸. 我哋冇毛巾咋, 有我哋都想摊..

2009.1.1 - H·S·L - hola,gday,aloha

 

海港大桥桥墩. 倒数就係投身哩度.

傍晚十分不停投影啲字, 有叫人饮多啲水, 叫人照顾好啲同伴(惊啲人饮大咗),

叫人清理好自己嘅垃圾(后来歌剧院周围, 悉尼最主要嗰条马路全部都係垃圾),

仲见到哩句说话添...

2009.1.1 - H·S·L - hola,gday,aloha

留意上面张相嘅时间, 係夜晚8点半...

原来8点半太阳仲未完全落山...

  评论这张
 
阅读(20)| 评论(3)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017