注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2008.10.9  

2008-10-13 14:43:02|  分类: 噢哒唎哑 |  标签: |举报 |字号 订阅

  下载LOFTER 我的照片书  |

今日第一日入厨房上课喇..

个厨房同我想象中差好远.

话就话全新, 但我感觉好都唔似厨房嘅.

而且咩都冇, 换衫嘅地方都冇, 只有两个空房仔, 所有女仔逼埋一齐嚟换..

我哋着住套衫戴埋顶帽, 好似饭堂负责装饭嗰啲阿姨...

而且因为地方细, 每次都係得一个班上课.

因为第一日上实践课, 我哋又第一次着套制服,

所以搞咗好耐先正式上课..

首先David检查我哋有冇带齐工具,

然后佢带我哋"参观"个厨房, 教我哋哩啲嘢又咩用, 嗰度又摆咩嘢

再然后就分"道具", 两个洋葱, 两个柠檬, 四条红萝卜,

两嚿薯仔, 两大条西芹, 两大条葱, 一嚿蒜头,

几棵不知名但喺广州, 好多餐馆都会用嚟装饰碟嘅香草类植物

一个不锈钢兜, 两个橙...

又兜又橙, 搞到我有种好似监狱派饭嘅感觉..

而且..我哋着住套制服, 好似饭堂派饭嗰啲阿姨咁...

10点钟休息, 我哋就拿拿声食中午饭, 因为唔知道几时先再有息休.

之后佢就示范今日要做嘅嘢:

Julienne,Brunoise,Paysanne,Jardiniére,Macédoine...

睇个名係法文, 就好似复杂, 其实只係切丝切粒...

Julienne就係切丝, Brunoise就係切粒, 好细好细粒嗰种粒

Paysanne就係切片, 好细片嗰啲片, Jardiniére好似係大片啲

Macédoine呢, 就係大粒...唉...切粒都咁多讲法...

跟住就到我哋切喇...开头就觉得好难控制把刀,

你知啦, 咁大个女第一次真正攞刀切嘢, 仲要一切就要切丝, 好考功夫

David又话我哋唔係比赛, 唔使切好快, 要慢慢切,

最紧要安全(但係佢好期待我哋有人切亲手  -_-')

但因为我哋仲要做好多嘢, 啲时间又唔够,

所以后来嗰几样切法, David都要我哋10分钟完成..

所以后来都切得几快(其实样样切法都差唔多)

学完切法之后就批薯仔, 批到成个橄榄咁,

不过因为哩样真係好难, David都话要经常练习先可以成功.

之后就批橙..哩样变态啊, 用把刀仔将啲橙皮批去,批到白色嘅皮冇晒,

然后逐kai逐kai咁切啲橙肉, 然后人手榨汁..总之就唔係平时嗰啲批法喇..

之后就将嗰种香草切到好碎, 跟住就剁蒜头, 剁到好似蒜蓉咁...

一点钟多啲全部做完之后就开始清洁喇,

三个洗器具, 三个做抹干, 四个做抹枱, 两个扫地拖地, 五个做消毒

我就做消毒嗰个..

因为要搞咗一个钟终于搞掂喇...

8个钟课时我哋就企咗7个钟, 休息咗两次..

企到腰酸骨痛,水都好少饮..

不过我觉得几好玩, 而且我终于明白点解啲大厨都咁肥

因为我哋一边切一边食..啲红萝卜好甜啊..啲橙都好甜..

啲大厨肥唔係因为要试啲餸够唔够味, 而係因为咩都可以食, 有咩就食咩

David都话我哋要习惯咩都试下, 刺激下个脑, 以后就会好似佢咁肥  -_-'

其实佢只係个肚腩大啲啫..

佢之前讲过, 西厨同西点最大嘅分别, 就係西厨嘅厨师都好懒,

称嘢唔使用称, 靠对手, 个脑同对手同埋个口就係最大嘅工具

西点嗰啲厨师对手都会好靓, 因为好多奶油  =_='

我哋班有两个女仔想转去读西厨, 然后琴日有个教西点嘅大厨就埋嚟

好搞笑咁同佢哋讲, 唔好转, 要跟住佢, 又指住Daivd话西厨係黑暗嘅一面

(David係西厨嘅大厨, 因为第一个学期西点同西厨学嘅嘢一样, 所以都分埋同一个班, 第二个学期开始就分开)

搞到我哋个个都好钟意嗰个老师...如果下个学期跟住佢就好喇..

切好晒啲嘢嗰阵我哋好多人都打包拎走,

David都话我哋嘅学费包埋材料, 所以唔好晒, 食得就食

下星期我哋学煮个蕃茄蘑菇唔知咩汁, 一定要带嘢去装

其实应该係今日学埋嘎, 不过唔够时间, 所以下星期再学

原本David琴日话炸个鱼过我哋食, 但佢都话唔够时间.

係啊, 之前佢带我哋"参观"厨房嗰阵拎个盒冰鲜鱼出嚟, 拎起条鱼讲解哦阵,

条鱼睁大对眼, 好惊恐地望住我哋啲人类, 任人摆布, 好有卡通feel.

总括嚟讲今日堂课好充实, 几好玩, 几满足, 不过好攰

又因为对鞋大得滞, 又唔知点解啲脚趾係都要向前走, 再加上鞋头係铁,

所以对脚好痛...

  评论这张
 
阅读(22)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017