注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

Hello AUS  

2008-08-10 13:30:31|  分类: 噢哒唎哑 |  标签: |举报 |字号 订阅

  下载LOFTER 我的照片书  |

 2008.8.5

终于到喇, 终于到咗澳大利亚悉尼喇...

成日听新闻讲"滞留机场", 前晚打字嗰阵打咗个滞字出嚟

我即刻谂起"滞留"

结果我真係要滞留

不过唔係滞留机场, 而係滞留飞机..

话说...(且听我全盘讲出:)

六点半我就去到候机室A12区, 当其时计埋我得三个人.

于是就等等等等, 等到八点几.

嗰阵已经有几十个人喇, 大部分都係亚洲人(应该係中国人)..

八点七开始登机, 入到去, 坐落都快九点喇

因为太多人排队登机, 所以要几个字先入到去..

又话说我手提嗰个行李箱成十斤重(手提电脑拎咗出嚟)

要托上去头顶个行李仓你都咪话几係嘢

我将佢拖到上脖头, 打算出多几分力托佢上去,

就喺哩个时候, 身后忽然有个男仔话:"我帮你吧."之类嘅说话

就咁就托咗个箱上去. 唔该晒.

顺带提一句,我好似个傻嘅咁揸住件羽绒, 好论尽..

讲翻部飞机, 九点一, 二嗰阵,

出面突然横风横雨, 地下啲水好似洗地咁

又行雷闪电..

跟住个广播就叫人扣好安全带,飞机准备..

"起飞"两个字都未讲, 我仲谂, 哗, 行雷喎, 咁激啊..

隔咗一阵, 个广播就话由于天气问题暂停起飞

于是我哋个个都以为一阵就停.

点知等下又一个钟, 等下又一个钟

一直都喺部飞机度, 都唔知做乜好,

想打机又眼瞓, 想瞓觉又瞓唔着

好在有饭食啫..

足足等咗三个钟, 原定九点零五分出发嘅飞机,

搞到凌晨12点先开始滑行..滑咗十分钟先开始飞..

仲要起飞嗰阵望到不远处有条闪电掠过..

正所谓贵人出门招风雨...

喺部机度, 个个都瞓觉, 再唔係睇电影(抬高头睇嗰啲)

我都好想瞓..开头瞓唔着, 后来终于瞓着喇, 点知一瞓着就醒..

如是者过咗快九个钟...

我就坐足十二个钟(中途去咗次厕所).

北京时间九点几, 我终于出嚟喇...

由于人太多, 箱太重, 所以我好后先走, 神奇嘅係, 我竟然一次过就攞咗落嚟..

出到去, 个机场麻麻哋啫,好似好细咁, 比起白云机场差得远喇..

唔知头唔知路咁跟住啲指示牌行, 一出到去, 哗...

百几人排紧队等递护照...

又等下等下, 终于到喇, 落楼攞行李

我又神乎奇技地一扯就扯咗个25kg重嘅大行李上行李车...

不过我扯烂咗个标签..但係后嚟都痴翻...

于是推住部行李车等过关..

哗哗...仲多人啊, 百几二百个....

走下停下咁, 突然间有个年轻老外工作人员叫D人企埋一边,

然后一只黑狗忽然飙出, 左闻闻右闻闻,

行到我嗰度, 睇住佢闻我前面嗰个老外嘅pet pet好耐..

仲要过咗之后翻转头嗰阵又闻咗好耐...

排排下有有工作人员话哩度又第二条出口, 于是拿拿声就过去喇..

畀入境卡嗰阵个工作人员问我带咗咩药(因为我填咗申报药物)

人哋个个都教讲"personal use", 我咪又咁讲囖,

点知佢仲问我嘢啫,虽说我"识"英文

但突然间有个老外同你讲一大句嘢, 再加啲口音

我鬼知佢嗡乜咩..不过大概都知佢问有啲咩personal use嘅药喇

佢可能见我冇反应(其实我谂紧感冒药点讲..)

佢就指住个头话"头痛药?"(当然係讲英文啦)

我咪求其话係囖...

咁就放咗我走..

去到过机嗰度, 有个女工作人员问我带咗咩食物(我填咗食物申报啊, 费事佢搵到又话我隐瞒..)

咁我咪话香口胶囖, 咁我真係只带咗香口胶嘛..

佢又问我係咪得香口胶,答咗之后又放咗我走..

我又再一次神乎奇技术地一个人戚件大行李上行李车(过机嗰阵有工作人员戚上去)

临走嗰阵又有两个人嗌住我, 问我係咪XXX..

总之佢读得我个名好怪..好在我仲认得自己个名..

跟住佢哋问咗我唔知咩问题(唔记得咗), 我yeah完之后又放我走...

咁就入咗境喇...

我仲未反应过嚟我已经到咗悉尼..

我净係知道..

哩度啲路好复杂, 啲弯话转就转, 有啲位置又窄到咩咁,

我净係觉得好不可思议. 难怪澳洲最多嘅意外係交通意外..

要我开车唔知几十条命先够喇..

未哒着部车我已经吓死..

可能近市中心啦(係近市中心,唔係喺市中心), 唔觉得有几似农村,

反而觉得似啲别墅区, 但係..

细心啲望, 就会发觉, 一间间表面好干净好新嘅屋,

走廊都会摆咗好多唔用, 但有唔係垃圾嘅杂物, 铺满晒尘,

又或者个百叶窗烂咗...当然都会有啲好靓嘅..

总之嚟到哩树"惊"喜不断..

好喇, 唔写喇, 而家已经係悉尼时间快12点喇..

唔知係咪眼瞓过头, 个人晕下晕下好似搭船咁...

係咁先啦..

  评论这张
 
阅读(27)| 评论(4)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017