注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2008.12.3-12.4  

2008-12-04 18:52:14|  分类: 噢哒唎哑 |  标签: |举报 |字号 订阅

  下载LOFTER 我的照片书  |

琴日...到今日凌晨...真係好玩.

本来之前讲好琴晚成班同学出嚟食饭, 然后去唱K

又本来已经约好晒5点钟集合,

我哋几个已经迟咗, 点知去到, 得嗰两个人...

等咗大半个钟, 打咗几个电话, 都仲係冇人嚟.

当其时只有六个人, 等等下有三个唔等就走..

我就谂, 花几蚊车票, 去到坐一坐就走...好唔抵啫...

而且难得一次聚会, 有两三个下个学期都唔同班添..

后来Coco到咗, 同埋我哋净翻嗰三个 (Mickey-河南, Mokee-山东,Coco-天津)

就出发去汇合另外一个同学. 而嗰个同学又带埋佢个舍友, 佢同学同埋同学嘅同学去食饭.

(咪即係同学嘅同学嘅同学...?!)

佢哋提议去食韩国烤肉, 点知就变咗间日本烤肉..

2008.12.3-12.4 - H·S·L - hola,gday,aloha

 

都算喇, 啲嘢少得可怜...佢哋点咗碟南瓜..总共就得嗰四片..

后来又嚟咗个同学, 总共9个人...

虽然每人只係夹咗几蚊, 好似几抵咁, 但係食咗等于冇食.

本来话食完饭, 唱完K, 就唔翻屋企, 因为太夜喇, 翻都唔安全

结果一啲又冇嚟, 一啲又未食就走, 一啲就食完就唔玩

于是...又净翻我, Coco, Mickey 同 Mokee 四个..

本来我可以走, 但係..一场嚟到, 饭又好似冇食到, 于是..我决定留低.

我哋四个人就 "浩浩荡荡" 地往K 场出发.

入到去...好有亲切感...分明就同广州嗰啲一样嘛..

黑吗吗咁, 行出通道又听到周围传出好多哀嚎般, 惨叫一样的歌声,

连啲工作人员都係讲广州话嘅...

我哋四个由8点唱到12点半, 出到去, 马路依然好热闹.

而且仲好大风....好冻....

原本我谂住着见长袖衫嘎, 点知晏昼又鬼咁热, 先着短袖嘅

好在我都带多件衫以防万一..

因为我哋个个都未食饱, 于是, 就去咗一间真正嘅韩国烤肉店食饭..

2008.12.3-12.4 - H·S·L - hola,gday,aloha

冇错, 凌晨12点几去食饭, 而唔係食宵夜.

听讲嗰间店开通宵嘅, 于是我哋就打算慢慢食, 食到5点几就走.

点知食完之后佢哋又唔想坐落去

话想去酒吧坐, 但係要带护照

咁啱我同 Mickey 因为唔知道, 所以就冇带.

一路行一路商量紧去边度嘅途中, 又一路被狂风吹住...冻到抽筋.

行行下, 我见到间同样开通宵嘅咖啡店, 于是就话想饮杯热嘢暖下身,

点知佢哋个个都想暖身, 于是就放弃酒吧计划, 而改为咖啡之旅.

入到去, 温暖啊....

我哋一人点咗杯咖啡, 饮饮下Mokee就瞓咗觉,

得翻我哋三个女仔倾计, 然后越倾越多...

三个人不停地发牢骚..

原本好眼瞓, 再加上咖啡作祟, 越倾越精神..

人哋就酒后吐真言, 我哋三个傻嘢就啡后吐真言..

以后都係咪饮咖啡...好在我平时都少饮..

5点半, 个天都光咗一半, 我哋就散喇.

Coco今晚9点嘅飞机翻中国, 一路平安~!

唔知係咪正如老师阿David 所讲, 咖啡因会令到人傻傻哋,

(佢嗰日上课前饮咗杯咖啡, 上课嗰阵真係傻傻哋..)

朝早6点几翻到住嗰区, 我谂住趁个脑仲处于兴奋状态,

竟然谂住去搵工...但係人哋又未开门..

于是就翻去瞓喇....

又因为咖啡问题, 我瞓到12点就瞓唔到落去..

听日同同学去学校问上课时间表, 简直极度混乱.

  评论这张
 
阅读(21)| 评论(1)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017