注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2008.11.6  

2008-11-06 19:01:13|  分类: 噢哒唎哑 |  标签: |举报 |字号 订阅

  下载LOFTER 我的照片书  |

(以下内容有点长..)

 

今日真係...唉....

今日做"是日大厨", 谂住早啲去到帮David准备啲嘢喇

平时都係6点4出门口, 今日竟然赶到6点39分嗰班车.

规定最迟7点3去到, 我6点9就到咗喇.

点制....竟然未开门!!!!  7点钟嗰阵先见到David 同几个同学慢慢咁行过嚟

换好衫之后, David畀咗张checklist过我(清单)

然后同佢攞上课用嘅材料. 然后就开始上课.

首先...就係检查有冇带齐工具..David 攞我箱工具做例子

结果佢见到我啲工具唔单止未用过, 仲包好晒, 又新又干净, 佢话好好喎

(都用唔着, 梗係未用过啦...)

又因为我啲工具新, 后来佢都借我啲工具用

上课之前有三个印度人冇partner,(其实係有, 不过佢哋之前唔问清楚.)

于是就安排咗Meimei (天津)同 小肥(印度),

然而....仲有另外一个男..Mandeep, 以前我语言班个同学..同我一组..

我靠....我而已经同咗大肥(印度)一组啦, 你仲要整多个过嚟!!!???

仲要係佢???!!! 佢仲要重感!!!??? 天啊...

同印度人一组都够惨噶啦, 我仲要两个...简直前无古人后无来者..

乜咁益我啊???!!!

因为小肥想"痴"住另外一个印度男, 但係David又唔俾, 係都要分开佢哋,

跟住小肥竟然嬲到掟刀喎! 哗, 掟到人点算啊? 痴线...

检查工具嗰阵, 轮到检查个电子秤, David 举高我嗰个,

示意其他人都举高, 睇下係咪个个都有戴.

跟住小肥突然间行埋嚟话嗰个秤係佢嘅, 死都要攞翻.

但事实上係我噶嘛!!  Jeffery(上海) 搵到佢个秤俾翻佢佢又唔理Jeff

死喺度讲"it's mine, it's mine", 佢话佢个秤上面有个红色邋遢印,

咁啱我嗰个都有..咁我咪又讲"no, it's mine" 囖.

跟住我醒起我贴咗个名喺后面, 于是我即刻返转个秤

同佢讲"i put my name here." 佢望到之后冇声出喇..

然后我望咗眼佢个秤, 睇下係咪有个红色印..

我超..我嗰个红色印成半只手指咁大, 佢嗰个先得一点. 超~

上上下课嗰阵, 我哋喺度倾极等David 讲下一道菜,

忽然听到"嘣"一声, 望到Jeffery, 好大力咁推开其中一个印度男.

Jeff仲好大声咁咗声 "what the f^ck!", 然后两个好似想打交咁

跟住其他啲印度男拉开佢哋, David 听到之后叫咗佢哋出去"倾计"

翻嚟之后David都几嬲下..其实..只係印度嗰个男想开玩笑咁打一打Jeff,

点知大力咗..咁Jeff又唔钟意, 所以...

打分嗰阵, 我哋要摆到啲餸靓一踉咁拎上去打分,

我负责摆汁啦, 又嫌我摆得多,

嗰两个印度将碟餸摆到鬼死咁核突, 我都冇出声.

打分嗰阵老师都话越简单越好..唉...结果5分满分我哋得3分.

之前要整啲饭, 个死人Mandeep装得鬼死咁多,

开头我唔知啦, 咁我咪谂住放落个碟度囖,

David 望到, 话我哋攞多咗...我几委屈啊..因为佢係望住我讲嘎!!!

后来其他人唔够, David又半讲笑半认真咁望住我话"有同学攞多咗.."

哗....真係....激死我喇!!!!  

然后一直都相安无事, 直到....

所有做好晒之后, 我哋要分组清洁, 第2组负责洗碗洗煲, 然后抹干, 消毒

因为啲中国同学不停咁洗(韩国同学Kay都包括埋),

但係啲印度人就行行企企, 係咁2抹两抹(我估噶咋, 因为我咩都唔知.)

本来我哋好憎班印度人, 个个做到只"职" 咁, 佢哋就咁悠闲,

于是Kay就发火喇, 话要同佢哋掉转, 但係班印度人又点会肯啊

于是就嘈喇...我问佢哋咩事啦, 佢哋又唔讲喎, 然后个印度(小肥)话"i dont know"

哩个时候个个同学都同我讲"你不要听他们(印度)的,你是大厨."

我心谂...我真係咩都唔知喎, 头先做紧其它嘢...我好茫然..好无奈...好无助..

个个都好想我做啲嘢, 但係又冇人话我知咩事, 咁我做啲咩呢..

唔知点样佢哋真係换咗工作, 但又唔知点解后来佢哋干脆停晒手咁嘈...

终于...我好大声咁讲咗句, "Listen to me!! The time is running out, so...do it !!! "

(听住! 而家冇时间喇, 所以开工!)

搞笑嘅係..讲到"so"嗰阵时..其实我想讲话"应该做咩就做咩",

点知一时间唔识讲, 结果就爆咗句 do it 出嚟.

然后...佢哋当然听我讲啦..

点知班印度嘅一边倾计一边洗, 本身我哋得十几分钟清洁成个厨房,

佢哋又洗得唔干净又慢喎, 咁我干脆走埋去话洗埋一份囖,

佢哋又话唔使喎...唉...

之前我咪话David借咗我个模(唔多解释喇, 唔识解释咩模)

佢还翻俾我之后我放咗喺枱面, 我碟餸隔离.

谂住都唔会有人攞啦...点知翻转头就唔见咗...

其实应该唔係有人偷, 而係佢哋执嘢嗰阵执埋入厨房(但又冇乜可能啊...)

唉....我个模啊......佢哋叫我, 下次上课嗰阵攞走最新嗰个.

我个模啊.....

今日真係....等火车嗰阵我几想瞓觉啊..

琴完放学之后已经好攰, 今朝起身几唔想翻学啊,

今日又企咗成日, 中午饭都冇食啊..仲要发生咗咁多事...

琴日未分组嗰阵我就隐约咁谂唔知会唔会叫我做大厨呢,

跟住今朝老师重新分组嗰阵又好隐约咁谂如果同Mandeep一组就惨喇.

点知两样都中咗...唉...好嘢又唔见我中..

讲起Mandeep真係莫名其妙..

我知, 大家以前係同学, 你觉得你同我好熟我可以理解得到,

但係...今日佢忽然问我咩我阿爸阿妈咩咩咩, 我听唔明,

只係听到"dad, mum"之类嘅单词, 于是我咪求其讲咗句 no 囖

然后心谂, 我阿爸阿妈关你鬼事啊..

今日Stacy(湖北)同我讲, 话我一望到Mandeep 就反晒白眼咁

一睇就知我好唔妥佢. 係啊, 鬼叫佢争啲整坏我个秤, 又扮晒嘢咁啊..

以前语言班嗰啲印度同学特别好, 而家嗰啲就特别衰..

唉....今日简直虚脱咁滞..

走嗰阵David 话我 very good, 顿时有种心虚嘅感觉..

因为...我咩都冇做过, 觉得我尽唔到做大厨嘅职责

唉....但唔知点解...我而家又好想再做喎...唉...

  评论这张
 
阅读(17)| 评论(2)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017