注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2008.11.27  

2008-11-27 18:03:01|  分类: 噢哒唎哑 |  标签: |举报 |字号 订阅

  下载LOFTER 我的照片书  |

(网易相册人物与食物部分有所更新, 所有图片均为逆序)

 

放假喇放假喇~

今日最后一堂课喇~

今日Mokee(山东)生日.

琴日上课嗰阵David 话我哋今日会好多嘢做,

点知....

除咗啲酱要花啲功夫之外...

其余嗰啲根本完全冇难度..

首先係烤鸡胸加炸薯条..

嚿鸡胸只係放落个烤箱到啫..

炸薯条有个专门嘅机器, 就好似人哋麦当当咁,

咁都有难度嘅?

第二味就係西冷牛排.

哩个就难少少啦, 因为唔可以煮得太老, 最好就4,5 成熟

但都唔算得上有难度...

跟住就係炸墨雨圈...

本来我哋要学点拆嚿墨鱼, 点知David 话学校买嗰啲已经搞好晒,

所以我哋只要切开嚟炸就得...

同样又係用嗰个机器

又係冇难度..

最后...就係炸苹果圈, 即係将嚿苹果切到好似甜甜圈咁一嚿嚿

然后捞啲柠檬汁, 糖, 再沾啲面粉同埋酵菌之类嘅物体,

然后再用嗰个机器炸...

之后再痴啲肉桂粉加糖...

有难度咩?!

如果有齐一齐设备, 材料, 喺屋企都可以整啦...一阵就搞掂..

所以今日我哋都早咗放学, 如果唔係中间休息咗大半个钟, 可能仲会早啲.

休息期间David 就印我哋嘅类似成绩单又唔叫成绩单嘅嘢过我哋, 一人三张.

我好出奇厨房嗰个办公室竟然都会有打印机..

要知道...我哋上课唔需要用办公室.

第一张只有成绩, 冇评语.

我最高, 94.

95就可以攞到优秀, 我就争一分.

我都话啦, 学校点会咁容易俾你攞优秀...听讲全优嘅话会有奖学金.

第二三张有评语. 两份都90分.

我"立" 过下眼, 我嗰份评语係写得最多, 嘅其中一个.

有个印度婆都写得几多, 不过我谂建议多过评语, 因为David 成日话鬼佢.

望住David 写嘅评语....觉得有啲好笑...

佢第一句就话: "Silun, 我可以见到你会有好光明嘅前途, 同埋你会係一个好出色嘅厨师." 2008.11.27 - H·S·L - hola,gday,aloha

佢仲话:

"你对今个学期学嘅所有嘢都了如指掌, 而且仲做到好高水准,

你嘅workflow写得非常好, 咁代表你有一个最好嘅学习方法. 继续努力,Silun,

咁你面前就会出现好好嘅前途..."

大概咁嘅意思啦..

不过唔好误会, 佢讲得夸张咗, 而且夸张好多.

咩对学嘅嘢了如指掌...我只係平时佢问我哋嗰个係咩, 我快手得滞搵到个答案啫..

而且係佢俾咗提示我先搵到..

咩workflow 写得好, 我只係打印出嚟, 唔係用手写啫...

而且...每次佢见到你将休息时间写到11点半, 佢就话好好...因为佢都咁写..

每次佢见到係打印嘅...都会点晒头咁话好...

我只係咁啫....

我谂..我应该係全班最高分..

因为听讲只有韩国妹三份都攞D (唔係ABCD 嗰个D, 係Distinguish, 类似良好)

85-94 就D..我谂我哋都差唔多.

人哋唔讲我都唔知我全D...

放学之后我哋影大合照, 又逐个逐个咁同David 影相..

可惜...到我嗰阵...David 眨咗眼...而且我用手指住佢肚腩, 又影唔到...激气...

上完哩堂课, 放假噜~~

听日又去海滩玩...yeah !!...不过听日落雨...

David 真係好好人..可惜..以后佢都冇可能会教我哋班...

因为佢係西厨...我哋係西点..

David, 我爱你哇~~!!!

你睇我哋笑得几开心~

p.s. 我之所以有哩个姿势, 係因为Mokee撞跌咗我顶帽, 我搵手扶住..

2008.11.27 - H·S·L - hola,gday,aloha

  评论这张
 
阅读(24)| 评论(2)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017