注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2008.11.1  

2008-11-02 07:51:07|  分类: 噢哒唎哑 |  标签: |举报 |字号 订阅

  下载LOFTER 我的照片书  |

上两个星期都已经决定咗今日买报纸搵屋噶喇.

今朝8点醒咗, 结果出面落紧雨, 于是我又瞓到9点几先起身

起身之后突然醒起今日1号喎, 唔知上网嗰度係咪今日开始重新计流量呢?

因为我哋係十一开始上嘅..

于是我牙都未刷就开咗部电脑..发觉..其实..差唔多啫..

10点3左右, 我终于同同屋一个女仔出咗去买报纸喇

因为佢11点要去佢阿爷到食饭, 所以佢只能够陪我一个钟.

买完报纸之后搵地方坐低, 拿拿声打开招租嗰版,

再拿拿声搵Hurstville嗰区..好多啊...

冇几耐我就睇到一个广告, 于是就打电话过去, 係个男人嚟嘅

于是我哋就去睇房, 行行下发觉唔对路...咁远嘅?

而且又唔知边度喎, 感觉又唔好喎,

于是睇都冇睇就即刻走人.

后来个女仔去咗佢阿爷度, 得翻我一个.

我自己坐喺马路边继续睇报纸.

忽然俾我望到我而家住紧嗰度嗰个包租婆嘅电话..

之前我都谂喇, 记得低佢电话, 费事再租翻佢嗰度.

佢嗰度写住135/w, 包水电煤,家具上网, 8分钟到火车站.

8分钟?? 假到啊..我行都要行十几分钟, 仲要係斜路...

望落去下面啲广告, 见到有一个写住"极近火车站"

啱晒心水啦, 于是打电话过去.

冇方向感嘅我一搵就搵到喇, 因为...真係好近!!!

我去睇嘅係一栋9-10层嘅大厦, 好似我哋国内住嗰啲呢.

而嗰间屋...係9楼.

我一入去, 哗, 间屋好干净啊, 感觉都几舒服

而且係复式嘅, 总共三间房.

佢租嗰间房係细房, 出面有阳台

不过阳台係两间房共用嘅, 但係可以睇到悉尼景色

包租婆(都係广州人!! 好彩~)话, 好天嗰阵可以隐约睇到悉尼大桥

我理得佢睇到咩桥啊, 有阳台俾我晾衫已经足够.

其实当初未上楼睇嗰阵我都几钟意哩度,

因为够近嘛, 行一阵就到火车站, 包租婆话有条路仲近嘎..

而且哩度得三个人住(而家有四个, 因为包租婆个老窦嚟咗探佢)

其实本来我唔想同房东一齐住, 不过我喺度嗰阵佢唔係度, OK啦.

睇个门口细细咁, 估唔到入面都几大.

间房同我而家住嗰间差唔多啦,

虽然价钱贵过我而家住哩度, 但都唔係贵好多.

我都几钟意嗰度, 所以....订咗喇~

两个星期之后就搬得喇~

其实我钟意住而家哩度啲环境, 即係一间间别墅, 出面有好多树嗰种

感觉几舒服, 但係新屋嗰度环境都几好, 尽管冇乜树.

咁快就搵到喇, 好~

  评论这张
 
阅读(23)| 评论(3)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017