注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

hola,g'day,aloha

 
 
 

日志

 
 

2008.11.21 人物绍介 B 老师篇.  

2008-11-21 09:16:35|  分类: 噢哒唎哑 |  标签: |举报 |字号 订阅

  下载LOFTER 我的照片书  |

原本今日下午同同学去行街嘅, 嗰度啲衫听讲全部都係品牌衫, 而且全部3折...

不过其中一个今日试工, 净翻另外一个同学同佢朋友

所以我都唔去噜.

留喺间房做功课.

不过今日天气好好, 唔出去就晒晒...听日开始又落雨喇.

以下介绍各位老师.

从各位老师嘅背景, 真係可以体会到, 澳洲真係一个多元文化嘅国家.

Oleg Borg:

2008.11.21 人物绍介 B  老师篇. - H·S·L - hola,gday,aloha

语言班老师.

第一堂课, 佢就问我哋, 估下佢阿爸阿妈喺边度出世...我心谂, 全世界咁多个国家..鬼知咩..但其实我估中国囖.

结果佢话, 哈尔滨. 佢话, 佢阿爷阿嫲係俄罗斯人, 而佢阿爸阿妈就哈尔滨出世, 后来移民到澳洲,

而佢就喺澳洲出世..我哋睇过佢张全家幅, 好明显, 佢老婆有北美血统.

佢上课好多嘢讲, 会自己哼歌, 喺出面拉个拖板入嚟好似拖住只狗咁, 仲话个拖板乖...

每日同我哋讲嘅第一句就係: "How are you? ", 然后规定你要回答得特别啲.

黎巴嫩嗰个同学Hassan 好多问题问, 老师问亲问题佢又可以长篇大论咁答, 总之就多嘢讲啦

所以Oleg 成日都会同佢讲, 够喇, 你唔好再讲嘢....

记得有一次, Oleg 唔知问咗个咩问题, Hassan 讲咗一大轮都讲唔中, 后来Oleg 见我想答,

就叫Hassan 收声听我讲...结果嗰个问题我讲咗几个单词...Oleg 即刻话我讲啱咗..

佢话, 因为佢早上上完我哋班, 下午仲有一个班, 一日上足14个钟, 好攰,

所以, 总共有两个老师教我哋. 星期一至三就佢, 四五就另外一个.

佢话, 另外一个老师人生经历几丰富喎.

 

Joe:

2008.11.21 人物绍介 B  老师篇. - H·S·L - hola,gday,aloha

星期四星期五就係佢教喇. 佢係意大利人.

佢喺日本做嘅做咗十六年. 所以, 佢老婆自然係日本人.

佢有一个仔, 17岁, 一个女, 我谂, 混血儿....实好靓喇...

有一次佢讲咗句, 话佢同佢老婆屋企人提亲嗰时做错咗好多嘢,

然后我哋个个眼金金咁望住佢, 等佢讲埋落去, 点知佢唔讲喎..

佢突然发现我哋个个用好期待嘅眼神望住自己, 好唔好意思咁讲咗句:

"你哋做咩望住我啊? 我好怕羞.."

佢话, 日本人好注重礼仪, 想要娶人哋个女, 就要表现到好诚恳, 话畀人哋听, 我会点努力赚钱之类..

点知佢唔识, 于是好外国人咁同个外父搭晒脖头...搞到人哋阿爸话佢唔掂...

阿Joe真係好好人...Oleg 就外向, 佢就内向.

 

David Norris:

2008.11.21 人物绍介 B  老师篇. - H·S·L - hola,gday,aloha

2008.11.21 人物绍介 B  老师篇. - H·S·L - hola,gday,aloha

实践课老师. 英国人. 佢一开始就叫我哋估佢几岁...我想讲三十, 点知原来得廿九.

第一堂课对佢印象麻麻, 因为佢自我介绍嗰阵不停咁讲自己几叻几叻,

十五年年资, 由学徒做到大厨.

但后来先发觉佢好好. 可惜下个学期要换老师, 我哋个个都希望係佢教翻.

不过佢係西厨, 我哋西点, 唔知可唔可以教我哋喇..

佢话, 佢好钟意煮嘢, 做咗咁多年厨师, 甚至去到大厨哩个位, 突然想有啲转变

佢想将佢知道嘅嘢教晒俾人, 所以就嚟咗澳洲做老师.

以往我一听到英式英语就头痛, 但係听佢用纯正英式英语讲课又冇事喎,

而家反而听唔惯美式英语添..

 

Luigi Stivaletta:

2008.11.21 人物绍介 B  老师篇. - H·S·L - hola,gday,aloha

传说中第一堂课7个钟, 休息咗一次, 又唔俾人食饭嘅变态佬啊.

意大利人, 几岁大就跟屋企人移民过嚟.

佢啲英文其实都几好, 但唔知点解, 听唔明...

佢讲课真係好唔掂...讲得快就算啦, 明明係讲书嘅内容, 但係打乱晒顺序,

明明讲紧30几页, 讲讲下又变咗10几..我哋上课除咗不停抄笔记之外,

就係不停咁翻书..搵佢讲到边度.

但时间耐咗, 又觉得其实佢都几好人, 其他班测验, 十个有8个都唔及格

我哋班就未有人唔及格.

测验嗰阵, 佢都会好信任我哋, 自己睇电脑, 除咗时不时叫我哋唔好讲嘢之外,

根本係唔理我哋.

但我哋又好衰, 出猫....

上星期二, 例行公事, 测验. 我哋又例行公事, 出猫.

嗰个印度婆好似雷达咁望住我哋, 放学之后又关住度门同老师告状.

N个星期之前我哋"利用" 休息时间抄答案, 佢又走埋嚟装我哋.

衰得佢啊...

好在Luigi 够好人, 同我哋讲以后唔好喇, 下个学期开始啲老师就会更加严.

本来我哋7点就要开始上课, 后来佢叫我哋7点半先嚟

本来我哋2点半先放学, 佢就次次点半就放人, 因为佢要赶火车....

我哋个个都估唔到, 原来佢同佢老婆都係西点大厨, 啲蛋糕仲整得好鬼靓添...

仲有一个星期就放假喇...

唔知下个学期又係边两个老师呢...

希望都係佢哋啦...

  评论这张
 
阅读(21)| 评论(6)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017